Matiyu 15:33 - Nyaa Shɔɔ Ɓɔɔ Laa a Ɓɛɛ

³³ Zang ɓɔɔ ri mantɛ vuu ka bii ɓiɓɛ ri hɛ̃ɛ wu tɔɔ, “Rùu walɛ borodi ka niya dɔɔli, ka waala keɓe, ruu a zang kɔ ri kpalɛ zɔɔ gaagaa ɓee wiya?”

Matiyu 15:33 ပူးပေါင်းရင်းမြစ်များ

Matiyu 14:15

Nɛɛ laarang ka diki kaɓa, zang ɓɔɔ ri mantɛ vuu ka bii ɓiɓɛ arɛ naa kɔɔ wu tɔɔ, “Laa ɓa tɔ, yaa zang naa ta, zang ɓu daa hoo vuu shaanang ɓiɓɛ ka gari, ka ruu ɓɔɔ gãa ka nihn kpang ɓɛɛ.”

Matiyu 15:32

A Yeesɔ ɓaa zang ɓɔɔ ri mantɛ vuu ka bii ɓiɓɛ nyaa, a kɔɔ ri tɔɔ, “Zang keɓe gn ɓarɛ kɔng m dɔɔli, ka ruu ɓɔɔ, ri nwang tɔ nɛɛ n daa diki taati, vuu shaanang ɓarɛ takpang ɓɛɛ. N kasɛ, n tɔɔ, n jee ri nyaa nɛɛ nyɔkɔ kpang, ka ruu ɓɔɔ, doo nɛɛ daa kàá ri ka gbalang ɓɛɛ.”

Matiyu 15:34

Yeesɔ hɛ̃ɛ ri tɔɔ, “Borodi manɛ nɛya?” A ri kasɛ Yeesɔ nyaa tɔɔ, “Yaa manziti nɛɛ jaazĩi ɓɔɔ seseere wu dɔɔli kpang.”

Maraku 6:37

A kasɛ ri nyaa tɔɔ, “Nɔɔ a ri vuu shaanang ta, ri shaayi.” A ri hɛ̃ɛ wu tɔɔ, “Ruu daa hoo borodi nung jaka ziti, ruu naa a ri ya?”

Luka 9:13

A kasɛ ri nyaa tɔɔ, “Nɔkɔ nɔ́ɔ a ri vuu shaanang.” Ri kasɛ wu nyaa tɔɔ, “Borodi ɓuru yaa kaa maani nɛɛ jaazĩi ziti kɔ nwani. Mɔɔ kasɛ nɛɛ ruu daa hoo zang kɔ kpalɛ zɔɔ gaagaa ɓee vuu shaanang ya?”