22 A jaa soro Kaana ɓɔɔ nwang ka tipi kaɓa, a ka bii ɓiɓɛ. Kaa nyaa kana nɛɛ, “Kpanti, Jaa Dawuda gn mɛɛ wu kɔng mɔɔ jong. Suru shi kpang dang jaa mɛɛ ɓɔɔ zang soro jĩng dɔɔli.”
A Yeesɔ ã̀a wu nyaa ɓi ka bii kpang. A zang ɓɔɔ ri mantɛ vuu ka bii ɓiɓɛ, naa gaa Yeesɔ tɔɔ, “Hing jaa soro keɓe ta, wu daayi, ka ruu ɓɔɔ kaarɛ nyaa ka knti ɓuru ɓɛɛ.”
Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.
Yeesɔ seepaa tɔ, daa kana gbalang, a zang jĩng ringtang ziti ri dũuru wu ka knti. Ri ti mɛɛrɛ nyaa kana nɛɛ, “Jaa zɔ̃ng Dawuda gn ɓuru wu kɔng mɔɔ jong.”
“A zang ɓɔɔ ta saka tipi shii ɓi nɛɛ nɔng beebang, kasɛ nɛɛ wu wisi jĩng paa kpang tingkiring. A nyɔ naa ka danggn, nwang kaa naa ɓɔɔ zi vuu shi kpang ɓɔɔ wu palɛ tɔ ɓɛɛ. A gàa Laa tɔɔ, ‘Gn mɛɛ wu kɔng mɔɔ jong Laa, n m zang ɓɔɔ palɛ vuu shi kpang ɓɛɛ.’