Matiyu 15:14 - Nyaa Shɔɔ Ɓɔɔ Laa a Ɓɛɛ

¹⁴ Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Matiyu 15:14 ပူးပေါင်းရင်းမြစ်များ

Luka 6:39

A Yeesɔ ti rang ri yee nɛɛ nyaa vuu jeenang tɔɔ, “Zang jĩng ringtang, yi zang jĩng ringtang labalang ɓɔ̀ɔ ri ya? Ri dàa gɔlɔ zɔɔ ka yeti too kpang ya?

Yɔhana 9:39

Yeesɔ kɔɔyi tɔɔ, “N à ka koo keɓe nɛɛ n naa basɛ teteng zang. Tɔ̀ɔ, zang ɓɔɔ ri jĩng ringtang ri zi nɔng. Zang ɓɔɔ ri zi nɔng katɔ jĩng ɓarɛ wu zuuyi.”

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Bituru 2:17

Maalang ɓɔɔ ri tusu zang vuu sèé keɓe, ri nwang ɓarɛ naa too mii ɓɔɔ ɔ̃ɔ tɔ ɓɛɛ. Ri nwang naa sãmbong mii ɓɔɔ jasung tantɛ, atɛ mii kpang ɓɛɛ. Laa yaa ri nɔng ɓarɛ kagn ka nɔng ɓɔɔ tɔ̀ɔ katɔ kɔngkɔng ɓɛɛ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.