Matiyu 15:11 - Nyaa Shɔɔ Ɓɔɔ Laa a Ɓɛɛ

¹¹ Ɓi vuu ɓɔɔ zang shaa ka yeti kɔ raa zang, zang nwang zang shi kpang ka tĩng Laa Kpang. Yee ɓɔɔ nwang nɛɛ yeti nyaa zang kɔ, shing zang, zang nwang zang shi kpang ka tĩng Laa.”

Matiyu 15:11 ပူးပေါင်းရင်းမြစ်များ

Matiyu 15:10

A Yeesɔ naa ɓaa nyaa ka zang ɓɔɔ ri kpalɛ zɔɔ, a kɔɔ ri tɔɔ, “Nɔɔ ɓaa shoo ta, nɔɔ zi vuu ɓɔɔ kagn ɓɛɛ.

Matiyu 15:12

A zang ɓɔɔ ri mantɛ vuu ka bii ɓiɓɛ arɛ naa hɛ̃ɛ wu tɔɔ, “Mɔɔ zi ɓu tɔ nɛɛ, ɓɔɔ zang Farisi ri tãa ruu kaɓa, yeti ɓarɛ lasɛ katɔ ya?”

Maraku 7:15

Vuu ɓɔɔ daa ka yeti shɔnzang, ɓɔɔ raa shɔnzang wu nwang zang shi kpang ka tĩng Laa ɓi kagn kpang. Ɓi vuu ɓɔɔ nwang nɛɛ nyaa shɔnzang kɔ shing zang, zang nwang zang shi kpang ka tĩng Laa.

Rooma 14:14

N ɓɔɔ n shing danggn tɔ nɛɛ bii Kpanti Yeesɔ ɓɛɛ, n zi m tɔ nɛɛ, vuu shaanang ɓɔɔ ɓi shi kpang, ɓi kagn kpang. Naa zang ɓɔɔ nɛɛ tɔɔ vuu keɓe shi kpang, ɓi ti shi kpang ka jĩng ɓiɓɛ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:20

Mɔɔ lasɛ vuu ɓɔɔ Laa palɛ, ka ruu vuu shaanang kpang. Vuu shaanang piti ɓi tɔ̃ɔ. A naa nɔɔ shaa vuu piti ɓɔɔ shing zang ɓɔɔ, wu pálɛ́ vuu shi kpang, nɔɔ palɛ vuu shi kpang tɔ.

1 Timoti 4:3

Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

Titu 1:15

Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.