Matiyu 14:14 - Nyaa Shɔɔ Ɓɔɔ Laa a Ɓɛɛ

¹⁴ Yeesɔ shɛ̃ɛ nyaa dang gãnggãng tɔ, a zi zang dɔɔli ɓɔɔ ri kpalɛ zɔɔ, ri kɔng wu gn, a masɛ zang ɓɔɔ vuu palɛ katɔ, ka teteng ɓarɛ kati.

Matiyu 14:14 ပူးပေါင်းရင်းမြစ်များ

Matiyu 14:15

Nɛɛ laarang ka diki kaɓa, zang ɓɔɔ ri mantɛ vuu ka bii ɓiɓɛ arɛ naa kɔɔ wu tɔɔ, “Laa ɓa tɔ, yaa zang naa ta, zang ɓu daa hoo vuu shaanang ɓiɓɛ ka gari, ka ruu ɓɔɔ gãa ka nihn kpang ɓɛɛ.”

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 9:36

Yeesɔ pɛ̃ɛrɛ zang nimbang ɓɔɔ ri kpalɛ zɔɔ, a gn ɓarɛ kɔng wu, ka ruu jĩng ɓɔɔ ri dang ɓɛɛ. Zang ɓɔɔ yi ri naa ka bii kpang. Ri nwang naa mɛ̀ɛrɛ́ ɓɔɔ jagãng ɓarɛ kagn kpang ɓɛɛ.

Maraku 6:34

Yeesɔ nwang tɔ nɛɛ yeti tonsi, a zi zang ɓɔɔ ri kpalɛ zɔɔ gaagaa, a gn ɓarɛ kɔng wu, ka ruu ɓɔɔ, ri nwáng naa mɛ̀ɛrɛ́ ɓɔɔ jagãng kagn kpang ɓɛɛ. A Yeesɔ gaa ri yuu vuu tusunang kaa zɔ̃ng zɔ̃ng.

Maraku 9:22

“Diki ɓɔ̀ɔ́gn loo wu ka waa, diki ɓɔ̀ɔ́gn ti loo wu ka mii, nɛɛ tɔ̀ɔ wu nyɔ wu vɔrɔ kati. Mɔɔ nɛɛ zunung katɔ, gn ɓuru wu kɔng mɔɔ, mɔɔ yi ruu naa kagn, mɔɔ màsɛ̀ ruu wu.”

Luka 19:41

Yeesɔ a tɔ, yaa Urushalima kaa naabm, naa zi gari, a wɔsɔ miiri.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 4:15

Ka ruu ɓɔɔ, kpanti zang ɓɔɔ ri dɔɔ vuu ka gãa Laa, ɓɔɔ ɓuru, gn ɓuru kɔng wu katɔ, ka ɓɔɔ ruu lakɛ naa ka bii kpang ɓɛɛ. Kpanti ɓuru keɓe ɓi zang ɓɔɔ zang gãsɛ wu katɔ ka gbalang náabm̀ náabm̀, naa ɓɔɔ zang gãsɛ ruu ɓɛɛ. A palɛ vuu shi kpang ɓi kaa takpang.

Yahudi 5:2

Zunung ɓɔɔ wu pàlɛ́ zang ɓɔɔ ri zi vuu kpang, a ri ning gbalang kati ɓɛɛ, hakaka kpang. Ka ruu ɓɔɔ palɛ vuu shi kpang ɓi doo katɔ kɔ ɓɛɛ.