Matiyu 13:38 - Nyaa Shɔɔ Ɓɔɔ Laa a Ɓɛɛ

³⁸ Jaa ɓɔɔ zee ta kagn ɓi koolaa. Jĩng zee ɓɔɔ tɔ̃ɔ, ɓi kaa zang ɓɔɔ ri tà Laa, nɛɛ wukɔ Kpanti ɓɛɛ. Zee lɔɔwɔ, ɓi zang ɓɔɔ ri palɛ vuu ɓɔɔ Sheetang kasɛ ɓɛɛ.

Matiyu 13:38 ပူးပေါင်းရင်းမြစ်များ

Matiyu 13:19

Jĩng vuu ɓɔɔ shili ka gbalang, nwang ɓi kaa naa shɔnzang ɓɔɔ tãa ruu Kpanti roonang Laa, a zi tɔ̃ɔ tɔ̃ɔ kpang, Sheetang arɛ naa ta vuu ɓɔɔ wu tãa ɓɛɛ.

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Matiyu 5:37

Yee ɓɔɔ nɔɔ rang piti wu di nyaa ka, ‘Nn.’ Nɛɛ, ‘Kpang kɔ shɛ̃ɛning’. Yee ɓɔɔ nɛɛ ɓa ‘Nn.’ Nɛɛ, ‘Kpang katɔ, a ɓi kaa nɛɛ bii Sheetang, zang shi kpang.’

Matiyu 8:12

A zang naa nwangsɛ kaa zang ɓɔɔ ri shing danggn nɛɛ rikɔ naa daa ka nɔng ɓɔɔ Laa roo Kpanti ɓɛɛ jong, zang tasɛ ri ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ ri naa kaayi ri ti shaa nyaa kagn kpaaka, kpaaka ɓɛɛ.”

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 12:24

N kɔ̀ɔ́ nɔɔ ruu ɓɔɔ niizang kɔ nwani, naa zang ɓaa jĩng zee ka tipi kpang, nwang ɓi ka nɔngkɔ, jĩng zee gbete. Zang nɛɛ ɓaa tɔ, wu tarɛ, wu shing jĩng kaa gaagaa.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Zang Shonang Yeesɔ 13:10

a kɔɔyi tɔɔ, “Jaa suru shi kpang kiɓi. Mɔkɔ kasɛ kpang nɛɛ zang pálɛ̀ vuu ɓɔɔ tɔ̃ɔ kpang. Yeti ɓaaɓɛ ɓi zang nwãarɛnang kɔ shɛ̃ɛning. Mɔɔ kãa gbalang diki diki nɛɛ mɔɔ risi Ruu Laa wu nwang kaa naa sèé.

Rooma 10:18

N hɛ̃ɛ katɔ ɓɛɛ, Ri tã̀a Ruu Tɔ̃ɔ Laa kpang niizang ya? Ri tã̀a katɔ. Labeenang Laa kɔɔyi tɔɔ, “Ri kɔɔ ruu keɓe ka dalɛ koo nandon. Ruu ɓarɛ daa ka dĩiri ɓɔɔ koo waa nyaa ɓɛɛ.”

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 1:23

Nɔɔ zi tɔ nɛɛ Laa yi nɔɔ tɔ shɔɔ tɔkn, nɛɛ bii ruu ɓiɓɛ ɓɔɔ a zang suru bii ɓɛɛ. Ruu ɓiɓɛ keɓe shing zang katɔ, zang palɛ vuu wu nwang ɓi dòndòng. Ɓi shɔnzang ɓɔɔ vɔ katɔ kɔ yi nɔɔ kpang, ɓi Laa ɓɔɔ vɔ ɓi jong kpang kɔ a nɔɔ suru bii keɓe nɛɛ yuu ɓiɓɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.