Matiyu 13:22 - Nyaa Shɔɔ Ɓɔɔ Laa a Ɓɛɛ

²² Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 13:22 ပူးပေါင်းရင်းမြစ်များ

Matiyu 12:32

Zang ɓɔɔ nɛɛ ti rang yee shi kpang ka yuu Jaa Shɔnzang, Laa yaa wu gbalang ɓi katɔ. Naa zang ɓɔɔ rang yee shi kpang ka yuu Suru Laa, Laa yaa wu gbalang ka koo keɓe nɛɛ koo ɓɔɔ naa a ka tĩng ɓɛɛ kpang.

Matiyu 13:39

Zang ɓɔɔ shing jĩng nɛɛ wu kpang, ɓɔɔ ɓaa zee lɔɔwɔ, kaɓa, ɓi Sheetang. Diki zee yeenang, ɓi kaa diki ɓɔɔ koolaa naa waa nyaa ɓɛɛ. Zang zee yeenang ɓi ti kaa zang nyaa shonang Laa ɓɔɔ ri ka lapa ɓɛɛ.

Matiyu 13:40

“Naa ɓɔɔ zang kpalɛ zee lɔɔwɔ, zang dɔ́ɔ ka waa, zang naa palɛ zang ɓɔɔ ri dũng Laa kpang doo nɔngkɔ, ka diki ɓɔɔ koolaa keɓe naa waa nyaa ɓɛɛ.

Matiyu 13:7

Jĩng vuu ɓɔɔ ri shili ka teteng kɔkɔ, a kɔkɔ naa bangkɛ mulu ri.

Luka 12:15

A kɔɔ zang ɓɔɔ ri kpalɛ zɔɔ nandon tɔɔ, “Nɔɔ palɛ tɔ̃ɔ, nɔɔ gãng jĩng, ka jĩng shinnang ka vuu naa ning. Ka ruu ɓɔɔ, zang gãsɛ suru bii shɔnzang nɛɛ vuu naa ɓiɓɛ ɓɔɔ gaagaa kpang ɓɛɛ.”

Luka 12:21

A Yeesɔ hangsɛ yee ɓiɓɛ kaa tɔɔ, “Zang ɓɔɔ ri kpàlɛ̀ yuu ɓarɛ vuu naa, a ka tĩng Laa, vuu naa ɓarɛ kagn kpang, ri naa nwang ɓarɛ doo naa yɔɔ kɔ doori.”

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Luka 8:14

Jĩng vuu ɓɔɔ ri shili ka teteng kɔkɔ, ri nwang naa zang ɓɔɔ ri tãa Ruu Laa ɓɛɛ. Ri dũng kana, a rɛ̃rɛnang ka yuu vuu ɓɔɔ ka koo keɓe, nɛɛ vuu naa kasɛnang naa mulu Ruu Laa ɓɔɔ ri tãayi. A Ruu Laa ɓɔɔ ri tãayi nwang ri vuu ɓɔɔ kaa takpang.

Zang Shonang Yeesɔ 8:18

Siman zirɛ Laa a zang Suru ɓiɓɛ ka ɓɔɔ rɛɛ zang shonang Yeesɔ ri shĩili naa ka yuu zang ɓɛɛ, ka ruu nɔngkɔ, á Bituru nɛɛ Yɔhana saka,

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

1 Koranti 1:20

Nɛɛ nɔngkɔ, zang ɓɔɔ ri zũng katɔ ka koo keɓe, zũnang ɓarɛ kaa waati, zang ɓɔɔ ri tusu zang nyaa dannang zang Yahudi zũnang ɓarɛ ti waati, zang ɓɔɔ ri ti làá zang nyaa ka koo keɓe zũnang ɓarɛ doo waati kɔ. Laa tusu ruu tɔ nɛɛ zũnang zang koo keɓe, ɓi naa ɓɔɔ shoko waati.

1 Koranti 2:6

Ruu zi tɔ nɔngkɔ, a ruu kɔɔrɔ zang ɓɔɔ ri zũng danggn tɔ, ruu zũnang Laa doo nɛɛ mani. A zɔ̃̌ng zũnang kaɓa ɓi kaa tɔ̀ɔ́ ɓɔɔ koo jaa knti keɓe kpang. À ɓi ti nɛɛ bìí zang ɓɔɔ ri roo kpanti ka koo keɓe, ɓɔɔ ri shàarɛ́ ɓarɛ katɔ ɓɛɛ kpang.

1 Koranti 2:8

Zang ɓɔɔ kagn gbete, ka teteng zang ɓɔɔ ri roo kpanti ka koo keɓe ɓɔɔ zi zũnang keɓe kagn ɓɛɛ kpang. Naa ri nɛɛ zi katɔ, ri nɛɛ ɓáa Kpanti Yeesɔ Kirisi ɓɔɔ wukɔ ɓa zang bannang piti, naa ka laa kpang.

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Afisa 2:2

Ka laa kaɓa, nɔɔ nwang manɛ nwannang keɓe kɔ, nɔɔ dũlu manɛ gbalang vuu shi kpang ɓɔ̀ɔ́ koo keɓe. Nɔɔ ɓaa shoo manɛ ka nyaa kpanti rɛɛ suru shi kpang. Suru keɓe kɔ ka yeti zang ɓɔɔ ri dũng nyaa ɓɔɔ Laa dang ɓɛɛ kpang ɓɛɛ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.