Matiyu 12:50 - Nyaa Shɔɔ Ɓɔɔ Laa a Ɓɛɛ

⁵⁰ Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 12:50 ပူးပေါင်းရင်းမြစ်များ

Matiyu 12:49

A tusu naa ka bii zang ɓɔɔ ri mantɛ vuu ka bii ɓiɓɛ, tɔɔ, “Zirɛ, zang keɓe rikɔ nàá mɛɛ nɛɛ rɛɛ jaa nàá mɛɛ.

Matiyu 13:1

Yeesɔ nwang kaa nɛɛ yeti gãa, ka diki kaɓa, a daa nwang ka nyaa mii waapo.

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 25:45

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang ɓɔɔ wukɔ tɔkɔlɔng ka teteng rɛɛ manzung keɓe kpang, nɔɔ palɛ nkɔ kpang.’

Matiyu 28:10

A Yeesɔ kɔɔ ri tɔɔ, “Nɔ́ɔ kaa vɔrɔ kpang, nɔɔ dita nɔɔ daa kɔɔ rɛɛ manzung, nɛɛ ri daa ka Galili, ri daa zi m ka nɔngkɔ.”

Maraku 3:35

“Zang ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ naa mɛɛ nɛɛ rɛɛ jaa nàá mɛɛ.”

Luka 8:21

A kasɛ ri nyaa tɔɔ, “Nàá mɛɛ nɛɛ rɛɛ jaa nàá mɛɛ ɓi zang ɓɔɔ ri tãa Ruu Laa, a ri ti palɛ vuu ɓɔɔ Ruu Laa kɔɔ ɓɛɛ.”

Yɔhana 15:14

Nɔkɔ rɛɛ masang, nɔɔ nɛɛ palɛ vuu ɓɔɔ n kɔɔ nɔɔ katɔ ɓɛɛ.

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Yɔhana 6:29

Yeesɔ kasɛ ri nyaa tɔɔ, “Nɔɔ shing danggn ka zang ɓɔɔ wu shong ɓɛɛ. Wee vuu ɓɔɔ Laa kasɛ nɛɛ nɔɔ pálɛ̀ ɓɛɛ kɔ.”

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

1 Koranti 9:5

Vuu ɓɔɔ zãyi naa ruu gee zang soro ɓɔɔ dũng Laa ɓɛɛ kagn ya? Jaa soro bìí wu ti daarɛ nɔng ɓɔɔ ruu daarɛ nɛɛ ruu, naa ɓɔɔ Bituru nɛɛ zang shonang Yeesɔ Kirisi ɓɔɔ nimbang nɛɛ rɛɛ jaa nàá Kpanti Yeesɔ Kirisi ri palɛ ɓɛɛ.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

1 Timoti 5:2

Palɛ zang soro ɓɔɔ ri bang tɔ naa ɓɔɔ mɔɔ palɛ nàá ɓaaɓɛ ɓɛɛ. Mɔɔ ti palɛ rɛɛ wujɛ soro naa ɓaa naa. Mɔɔ seng ri katɔ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.

1 Yɔhana 2:17

Diki ɓɔɔ koolaa keɓe naa waa nyaa, waa nyaa ɓi nɛɛ vuu ɓɔɔ zang kasɛ ka yeti ɓiɓɛ ning. Zang ɓɔɔ palɛ vuu ɓɔɔ yeti Laa kasɛ, wukɔ nwang ɓi gbinggbing.

Vuu ɓɔɔ zang nwangsɛ Yɔhana 22:14

Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.