Matiyu 12:32 - Nyaa Shɔɔ Ɓɔɔ Laa a Ɓɛɛ

³² Zang ɓɔɔ nɛɛ ti rang yee shi kpang ka yuu Jaa Shɔnzang, Laa yaa wu gbalang ɓi katɔ. Naa zang ɓɔɔ rang yee shi kpang ka yuu Suru Laa, Laa yaa wu gbalang ka koo keɓe nɛɛ koo ɓɔɔ naa a ka tĩng ɓɛɛ kpang.

Matiyu 12:32 ပူးပေါင်းရင်းမြစ်များ

Matiyu 11:19

Jaa Shɔnzang àrɛ, shaa katɔ, ti ɓoo katɔ. Zang ti kɔɔyi tɔɔ, ‘Nɔɔ zi zang nyɔkɔ keɓe, zang ɓɔɔ ɓoo saa dɔɔli. Wusang zang saka tipi tanang nɛɛ zang ɓɔɔ ri dũng nyaa ɓɔɔ Laa dang kpang kɔ doori ɓɛɛ.’ Zũnang Laa tusu bii ka vuu tɔ̃ɔ ɓɔɔ shɔnzang palɛ ɓɛɛ.”

Matiyu 12:31

Ka ruu nɔngkɔ, n kɔɔ nɔɔ, vuu shi kpang nɛɛ yee ɓɔɔ shi kpang piti, ɓɔɔ zang rangnɛ, Laa yaa zang gbalang ɓi katɔ. Naa zang rang yee ɓɔɔ shi kpang ka yuu Suru Kpanti Laa, Laa yaa zang gbalang ɓi kpang dòndòng.

Matiyu 12:8

Ka ruu nɔngkɔ, Jaa Shɔnzang kɔ kpanti Diki Ɔ̃sɔnang zang Yahudi.”

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 13:39

Zang ɓɔɔ shing jĩng nɛɛ wu kpang, ɓɔɔ ɓaa zee lɔɔwɔ, kaɓa, ɓi Sheetang. Diki zee yeenang, ɓi kaa diki ɓɔɔ koolaa naa waa nyaa ɓɛɛ. Zang zee yeenang ɓi ti kaa zang nyaa shonang Laa ɓɔɔ ri ka lapa ɓɛɛ.

Matiyu 13:40

“Naa ɓɔɔ zang kpalɛ zee lɔɔwɔ, zang dɔ́ɔ ka waa, zang naa palɛ zang ɓɔɔ ri dũng Laa kpang doo nɔngkɔ, ka diki ɓɔɔ koolaa keɓe naa waa nyaa ɓɛɛ.

Matiyu 13:55

Wee wu jaa yɔɔ ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ, Yakub nɛɛ Yusufu, nɛɛ Siman nɛɛ Yahuda kɔ jaa niiɓɛ kpang ya?

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Maraku 10:30

naa walɛ vuu ɓɔɔ wu yaa ɓɛɛ ditɔ ka koo keɓe. Naa walɛ gãa nɛɛ ɓeezung, nɛɛ ɓeenaa, nɛɛ niiɓɛ, nɛɛ wujɛ, nɛɛ tipi dakn laa maani. Zang ti naa dang wu jĩng ditɔ dɔɔli, ti naa walɛ suru bii ɓɔɔ waa nyaa kpang ditɔ.

Maraku 3:28

“N kɔɔ nɔɔ ruu ɓɔɔ niizang kɔ nwani, Laa yàá zang gbalang vuu shi kpang piti ɓɔɔ zang palɛ, nɛɛ yee shi kpang ɓɔɔ zang ráng ɓɛɛ katɔ nandon,

Maraku 3:29

zang ɓɔɔ rang yee ɓɔɔ shi kpang ka yuu Suru Kpanti Laa, Laa yaa wu gbalang ɓi kpang dòndòng. Pálɛ́ vuu shi kpang ɓɔɔ Laa yaa zang gbalang kpang ɓi tɔ.”

Luka 12:10

“Zang piti ɓɔɔ rang yee shi kpang, ka yuu Jaa Shɔnzang, Laa yaa wu gbalang katɔ. Zang ɓɔɔ rang yee shi kpang ka yuu Suru Laa, Laa yaa wu gbalang ɓi kpang.

Luka 16:8

“A yɔɔ gãa dɔɔ zang shonang ɓiɓɛ ɓɔɔ palɛ vuu tɔ̃ɔ kpang keɓe, ka ruu zũnang ɓiɓɛ. Zũnang zang ɓɔɔ ri shing danggn ka vuu koo keɓe, ɓa ɓɔ̀ɔ́ zang ɓɔɔ ri shing danggn ka vuu Laa katɔ. Ka ruu ɓɔɔ, ri zunung naa ɓɔɔ ri sɔɔ nɛɛ zang ɓɔɔ doo naa rikɔ katɔ ɓɛɛ.”

Luka 18:30

naa walɛ vuu keɓe ditɔ nɛɛ zang ɓɔɔ wu yaa ɓɛɛ gaagaa ka koo keɓe. Wu ti naa nwang nɛɛ Laa dòndòng ka koo ɓɔɔ naa a ɓɛɛ.”

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Luka 7:34

A Jaa Shɔnzang arɛ, shaa vuu shaanang katɔ, ti ɓoo katɔ. Nɔɔ ti kɔɔyi nɛɛ, ‘Nɔɔ zi zang nyɔkɔ keɓe, ɓi ti zang ɓɔɔ ɓoo saa dɔɔli ɓɛɛ. Yi wusang ɓi nɛɛ zang ɓɔɔ ri ta saka tipi nɛɛ zang ɓɔɔ ri doo zang ɓɔɔ ri palɛ vuu shi kpang kɔ ɓɛɛ.’

Yɔhana 7:12

Zang ɓɔɔ ri kpalɛ zɔɔ ri rangkɛ yee nɛɛ nwĩiri ka yuu ɓiɓɛ dɔɔli. Zang ɓɔɔ ri kɔɔyi nɛɛ, “Yɔɔ keɓe yɔɔ tɔ̃ɔ.” Zang ɓɔɔ ri kɔɔ ɓarɛ nɛɛ, “Yɔɔ keɓe nwãarɛ zang katɔ.”

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Yɔhana 7:52

Ri kasɛ wu nyaa nɛɛ, “Mɔɔ doo zang Galili kɔ waa? Kãa yeti Labeenang Laa karɛ, mɔɔ ĩi kagn zang kɔɔyi nɛɛ zang nyaa shonang Laa naa nwáng nyaa nɛɛ Galili kpang.”

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Afisa 1:21

Yeesɔ Kirisi roo kpanti ka nɔngkɔ, ɓa yuu rɛɛ kpanti nandon, naa doo zang nyaa shonang sheetang piti, nɛɛ nung piti ɓɔɔ zang ɓaa zang nɛɛ mani, wu ka koo keɓe kɔ shɛ̃ɛning kpang, nɛɛ koo ɓɔɔ naa a ɓɛɛ nandon.

1 Timoti 1:13

Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,

1 Timoti 1:15

Ruu keɓe niizang kɔ nwani, ti daa naa ɓɔɔ zang piti ri shing danggn kagn ɓɛɛ tɔ. Yeesɔ Kirisi a ka koo nɛɛ wu ta yuu zang ɓɔɔ ri palɛ vuu shi kpang ɓɛɛ. Nkɔ ɓa zang piti vuu shi kpang palɛnang.

1 Timoti 4:8

Pĩirinang ɓi tɔ̃ɔ, ka ruu ɓɔɔ, shing bii ɓaaɓɛ lakɛ katɔ ɓɛɛ. Naa mɔɔ kpɛ̃ɛrɛ yuu ɓaaɓɛ vuu Suru Laa, nwang mɔɔ tɔ̃ɔ, ka gbalang naa bm bm. Nwǎng mɔɔ tɔ̃ɔ ka nwannang ɓuru kãntang keɓe, ti naa nwàng mɔɔ tɔ̃ɔ ka ɓɔɔ koo naa waa nyaa ɓɛɛ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Titu 2:12

Tɔ̃ɔ ɓiɓɛ keɓe, kɔ tusu ruu, ruu yaa nwannang ta naa zang ɓɔɔ ri zi Laa kpang ɓɛɛ, nɛɛ naa zang ɓɔɔ ri kasɛ ruu vuu koo ɓɛɛ. Ruu nwangnɛ, ruu yiti yuu ɓuru katɔ, ruu nwang nwannang ɓɔɔ tɔ̃ɔ ɓɛɛ, ruu dũng Laa ka nwannang ɓuru ka koo keɓe.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.