Matiyu 12:28 - Nyaa Shɔɔ Ɓɔɔ Laa a Ɓɛɛ

²⁸ A n nɛɛ nwangsɛ suru shi kpang nɛɛ Suru Laa, kpanti roonang Laa a bii manɛ tɔ.

Matiyu 12:28 ပူးပေါင်းရင်းမြစ်များ

Matiyu 12:18

“Wee zang shonang mɛɛ ɓɔɔ n zɔ̃ngnɛ, n ti kasɛ ruu ɓiɓɛ gbãng gbãng kɔ. N a wu suru mɛɛ ditɔ, wu tusu zang doo laa ɓɔɔ ka koo keɓe piti, ruu ɓɔɔ niizang kati.

Matiyu 12:29

“Zang daa biya ka gãa zang ɓɔɔ lakɛ dɔɔli zang see vuu ka gãa ɓiɓɛ viya? Zang mã wu katɔ ka gbongkarɛ, tɔɔ zang see vuu ka gãa ɓiɓɛ kati.

Matiyu 21:31

A Yeesɔ hɛ̃ɛ ri tɔɔ, “Ka teteng wujɛ ziti kaɓa, zang gbete ɓɔɔ palɛ vuu ɓɔɔ daa ɓarɛ kasɛ, ɓu wiya?” A ri kasɛ wu nyaa tɔɔ, “Jaa ɓiɓɛ ɓɔɔ bang ɓɛɛ.” A Yeesɔ naa risi nyaa kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ ri ta saka tipi, nɛɛ zang soro ɓɔɔ shing jĩng ka varɛ kãanang, ri yee nɔɔ yuu daanang nɔng ɓɔɔ Laa roo kpanti kana.

Matiyu 21:43

“Ka ruu nɔngkɔ n kɔɔ nɔɔ, zang naa ta gbalang ɓɔɔ zang zi kagn nɛɛ Laa kɔ Kpanti ditɔ nɛɛ naa manɛ, zang a zang ɓɔɔ ri naa palɛ vuu ɓɔɔ Laa kasɛ katɔ ɓɛɛ.

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Matiyu 6:33

Vuu ɓɔɔ ɓa weɓe, nɔɔ kãa gbalang ɓɔɔ nɔɔ zirɛ nɛɛ Laa wukɔ Kpanti, nɔɔ ti palɛ vuu ɓɔɔ wu kasɛ ɓɛɛ ka gbongkarɛ, gisi nɔɔ vuu keɓe ditɔ jong nandon.

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 11:10

Kpanti ɓɔɔ zɔ̃ng daa ɓuru Dawuda naa rooyi, Laa wu shingnɛ wu nwang tɔ̃ɔ tɔ̃ɔ. Zang wu ti dɔɔ Kpanti Laa ta.”

Maraku 16:17

Laa naa a zang ɓɔɔ ri shing danggn ka bii ɓiɓɛ naa vuu palɛnang ɓɔɔ zang zirɛ, zang mã naa ka danggn ditɔ. Ri naa nwangsɛ suru shi kpang nɛɛ nung mɛɛ. Ri ti naa rangkɛ yee nɛɛ nyaa koo ɓɔɔgn.

Luka 10:11

‘Rùu wàa nɔɔ tapuru gari manɛ ɓɔɔ ka doo ɓuru tɔ, tɔɔ zang zi kati nɛɛ Laa naa jɛ̃ɛ nɔɔ ruu ditɔ’. Danggn wu ning nɔɔ kpang, Kpanti roonang Laa a naabm tɔ.

Luka 11:20

N nɛɛ nwangsɛ suru shi kpang nɛɛ naa Laa, Kpanti ɓɔɔ Laa rooyi, a tɔ ka teteng manɛ.

Luka 16:16

“Labeenang Laa ɓɔɔ Musa beeyi nɛɛ ɓɔɔ zang nyaa shonang Laa piti, zang palɛ shonang nɛɛ wukɔ, a nɛɛ mani ka yuu Yɔhana ɓɔɔ pàlɛ́ zang batizima ɓɛɛ. Zang gaayu Ruu Tɔ̃ɔ Kpanti roonang Laa kɔɔnang doo nɛɛ diki Yɔhana kɔ. Zang ɓu ti ĩi ɓi yuu, tɔ̀ɔ, wu shɛ̃ɛyi.

Luka 9:2

A shong ri nɛɛ ri dita ri daa rang zang yee Kpanti roonang Laa nɛɛ ri ti masɛ zang kɔnang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.