Matiyu 12:15 - Nyaa Shɔɔ Ɓɔɔ Laa a Ɓɛɛ

¹⁵ Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 12:15 ပူးပေါင်းရင်းမြစ်များ

Matiyu 10:23

Zang nɛɛ dang nɔɔ jĩng kana ka gari gbete, nɔɔ yurɛ nɔ́ɔ daa ka gari ɓɔɔgn. N kɔɔ nɔɔ ruu ɓɔɔ niizang kɔ nwani Jaa Shɔnzang naa arɛ, bɛ̀ɛ́ nɔɔ hangsɛ nyaa shonang manɛ palɛnang gn gari zang Isirela nandon kpang.

Matiyu 19:2

Zang dɔɔli dũuru wu ka knti. A masɛ ri ka nɔngkɔ.

Maraku 6:56

Nɔng piti ɓɔɔ zang tãa nyaa nɛɛ Yeesɔ kagn, ka yeti gari ɓɔɔ bang nɛɛ ɓɔɔ tɔkɔlɔng, nɛɛ nɔng ɓɔɔ zang rooro gãa waati piti, zang ãatɛ zang kɔnang ka teteng gari, ri wɔɔrɔ ri ka nɔng ɓɔɔ zang kpalɛ zɔɔ kagn ɓɛɛ. Ri gaa wu nɛɛ wu yáa zang kɔnang jong, ri lee naa kaa nyaa fɔ̃ɔrɔ ɓiɓɛ. Zang ɓɔɔ ri lee naa ka nyaa fɔ̃ɔrɔ ɓiɓɛ, kɔnang ɓarɛ yàa ri nɔng.

Luka 5:22

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ nɔngkɔ, ka ruu viya?

Luka 6:12

Ka diki kaɓa, Yeesɔ naa daa Laa gaanang ka kɔpɔ. Yeesɔ gàa Laa nɛɛ zĩi sasak, nɔng gãntɛ nɛɛ mani.

Luka 9:11

Ɓɔɔ zang ɓɔɔ ri kpalɛ zɔɔ gaagaa ri tãa nyaa nɔng ɓɔɔ Yeesɔ daayi, ri dũuru knti ɓiɓɛ kati. Ri naa shɛ̃ɛ nɔng ɓɔɔ Yeesɔ kagn ɓɛɛ tɔ, a Yeesɔ jee ri nyaa, a rang ri yee Kpanti roonang Laa kati. A ti masɛ zang ɓɔɔ kɔnang yiki ri katɔ ɓɛɛ.

Yɔhana 11:54

Ka ruu nɔngkɔ, Yeesɔ rakɛ tɔ̀ɔ́ waati ka dalɛ ka tipi Yahudi kpang. Yupaa daa ka gari ɓɔɔ zang ɓaa nɛɛ Ifuremu ɓɔɔ naabm nɛɛ waala ɓɛɛ. Daa nwang ka nɔngkɔ nɛɛ zang ɓɔɔ ri mantɛ vuu ka bii ɓiɓɛ ɓɛɛ.

Yɔhana 7:1

Ka knti rɛɛ vuu keɓe, Yeesɔ rakɛ ka tipi Galili, a kasɛ nɛɛ wu rakɛ ka tipi Yahudi kpang, ka ruu ɓɔɔ, zang Yahudi ɓɔɔ ka nɔng bìí, kãa wu nɛɛ ri nyɔ wu vɔrɔ ɓɛɛ.

Yɔhana 9:4

Rúu palɛ shonang zang ɓɔɔ shong m ɓɛɛ, bɛ̀ɛ́ doo nɔng laagɛ̃. Nɔng zĩi a kana ɓɔɔ zang palɛ shonang tɔ̀ɔ́ gbete kpang ɓɛɛ.

Galati 6:9

Ruu lee tɔ̃ɔ palɛnang kpang. Ka ruu ɓɔɔ, ruu nɛɛ leeyi, ruu nɛɛ yaa kpang, diki a ditɔ ɓɔɔ naa nwǎng ruu vuu tɔ̃ɔ ɓɛɛ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.