Matiyu 12:14 - Nyaa Shɔɔ Ɓɔɔ Laa a Ɓɛɛ

¹⁴ A zang Farisi ri nwangkɛ, ri daa tɔ̀ng zɔɔ kaa naa ɓɔɔ ri naa nyɔ wu vɔrɔ ɓɛɛ.

Matiyu 12:14 ပူးပေါင်းရင်းမြစ်များ

Matiyu 26:4

A ri tɔ̀ng zɔɔ ka naa ɓɔɔ ri yi Yeesɔ nɛɛ nwĩiri, ri nyɔ wu ɓɛɛ.

Matiyu 27:1

Nɔng naa gãntɛ tɔ, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi ri tɔ̀ng zɔɔ kaa naa ɓɔɔ ri naa nyɔ Yeesɔ ɓɛɛ.

Maraku 14:1

Diki ɓɔɔ zang shaa nyaalaa Pasika ɓɔɔ zang kpaa danggn ɓɔɔ Laa tɛɛ ɓɛɛ nɛɛ ɓɔɔ nyaalaa Borodi ɓɔɔ zang tɛ̃ɛ yisi kagn kpang, yaa kaa ziti. A rɛɛ zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tɔ̀ng zɔɔ ka naa ɓɔɔ ri naa yi Yeesɔ nɛɛ nwĩiri, ri nyɔ wu vɔrɔ ɓɛɛ.

Maraku 3:6

A ɓɔɔ zang Farisi ri zi naa weɓe, ri nwangkɛ, ri daa tɔ̀ng zɔɔ nɛɛ zang ɓɔɔ ri dũng Hiridu kaa naa ɓɔɔ ri naa nyɔ Yeesɔ ɓɛɛ.

Luka 22:2

Rɛɛ kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri tusu zang labeenang Laa, ri kãa gbalang ɓɔɔ nɛɛ ri nyɔ wu vɔrɔ nɛɛ nwĩiri ɓɛɛ. Ka ruu ɓɔɔ, ri kaa vɔrɔ zang ɓɛɛ.

Luka 6:11

Gnvɔ shaa rɛɛ Farisi nɛɛ zang ɓɔɔ ri tusu zang vuu, ri daa hɛ̃ɛlɛ zɔɔ naa vuu ɓɔɔ ri palɛ Yeesɔ ɓɛɛ.

Yɔhana 10:31

A zang Yahudi ri daa yakɛ tari tɔkn, nɛɛ ri luku wu nɛɛ mani.

Yɔhana 10:39

Ri tɔɔ ri yi wu kaa tɔ tɔkn, a nwangnɛ nwĩiri daayi.

Yɔhana 11:53

Rɛɛ zang bang bang zang Yahudi ri gaayu gbalang ɓɔɔ ri nyɔ wu vɔrɔ kãanang nɛɛ diki keɓe kɔ.

Yɔhana 11:57

Rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri kɔɔ zang nɛɛ, zang ɓɔɔ nɛɛ zi nɔng ɓɔɔ Yeesɔ kagn tɔ, wu naa kɔɔ ri, ri daa yi wu.

Yɔhana 5:18

Ka ruu rúu kɔ wu kɔɔ ɓɛɛ, zang Yahudi ri kãa gbalang kaa gbãng gbãng nɛɛ ri nyɔ wu vɔrɔ. Wu ka ruu ɓɔɔ, wu ta nyaa ɓɔɔ zang dang ka yuu Diki Ɔ̃sɔnang kɔ shɛ̃ɛning kpang. Ka ruu ɓɔɔ, ti ɓaa Laa nɛɛ Daa ɓiɓɛ ɓɛɛ. Gãsɛ yuu ɓiɓɛ kaa teetee nɛɛ Laa.

Yɔhana 7:30

Ka ruu nɔngkɔ, ri kãa gbalang nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii kpang. Ka ruu ɓɔɔ laa ɓiɓɛ yaa doogn ɓɛɛ.

Yɔhana 7:32

Zang Farisi ri tãa naa ɓɔɔ zang ri rangkɛ yee keɓe nɛɛ nwĩiri ka yuu Yeesɔ ɓɛɛ. A ri nɛɛ rɛɛ zang bang zang ɓɔɔ ri dɔɔ vuu ka Gãa Laa ɓɛɛ, ri shong zang ɓɔɔ ka teteng zang ɓɔɔ ri gã Gãa Laa nɛɛ ri daa yi wu.

Yɔhana 7:44

Zang ɓɔɔ kasɛ nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii gbete kpang.

Yɔhana 8:59

Ka ruu nɔngkɔ, ri yakɛ tari nɛɛ ri luku wu kaa tɔ. Waasɛ yuu ɓiɓɛ, nwang nɛɛ nwĩiri yaa Gãa Laa.