Matiyu 11:29 - Nyaa Shɔɔ Ɓɔɔ Laa a Ɓɛɛ

²⁹ Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Matiyu 11:29 ပူးပေါင်းရင်းမြစ်များ

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 21:5

Laa kɔɔyi tɔɔ, “Nɔɔ kɔɔ zang gari Siyona nɛɛ, ‘Kpanti manɛ a kana bii manɛ. Tuu yuu ɓiɓɛ kpang, vang seesaa, ka jaa seesaa.’ ”

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Matiyu 7:24

“Zang piti ɓɔɔ tãa ruu mɛɛ keɓe, a ti palɛ vuu ɓɔɔ wu tãayi, nwang naa zang zũnang ɓɔɔ mãa gãa ɓiɓɛ ka yuu pɛngkɛ ɓɛɛ.

Luka 8:35

A zang nwangkɛ, nɛɛ ri daa zi vuu ɓɔɔ palɛ ɓɛɛ. Ri a tɔ, ka bii Yeesɔ, ri zi yɔɔ ɓɔɔ suru shi kpang nwangnɛ bii ɓiɓɛ, nwang tɔ ka tĩng Yeesɔ. Hãa fɔ̃ɔrɔ tɔ̃ɔ ka bii, suru bii ɓiɓɛ ti sɔɔ tɔ ka bii ɓiɓɛ tɔkn. A zang ɓɔɔ ri kpalɛ zɔɔ ka bii Yeesɔ ri kaa vɔrɔ kati.

Yɔhana 13:15

N tusu nɔɔ naa tɔ, nɔɔ palɛ vuu kɔ n pàlɛ̀ nɔɔ ɓee doo nɔngkɔ.

Yɔhana 13:17

Wee nɔɔ zi vuu keɓe tɔ ɓee, naa nɔɔ palɛ, nɔkɔ naa tãa tĩnang.

Zang Shonang Yeesɔ 7:37

“Musa kɔ, kɔɔ zang Isirela tɔɔ, ‘Laa naa zɔ̃̌ng nɔɔ zang nyaa shonang ɓiɓɛ ditɔ, naa ɓɔɔ wu zɔ̃ng m ɓɛɛ. Zang nyaa shonang keɓe, naa a ɓi doo nɛɛ teteng zang manɛ kɔ.’

1 Koranti 9:21

Naa n nɛ̀ɛ zang ɓɔɔ ri dũ̀ng nyaa dannang Musa kpang, n palɛ vuu naa ɓɔɔ ri palɛ ɓɛɛ. Tɔ̀ɔ, n atɛ ri jong ri naa dũng Yeesɔ Kirisi. N tɔɔ kpang nɛɛ, n dũ̀ng nyaa dannang Laa kpang, kpang. N dũng m nyaa dannang Yeesɔ Kirisi.

2 Koranti 10:1

Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

2 Koranti 10:5

Ruu ningsi nyaa laanang nɛɛ yuu tuunang, ɓɔɔ zãa zang nɛɛ zang ri zi Laa kpang ɓɛɛ. Ruu kɔsɔ nɛɛ kaaɓa. Ruu shing ri, ri rɛ̃rɛ rɛ̃rɛnang ka doo vuu ɓɔɔ Yeesɔ Kirisi kasɛ ɓɛɛ.

Filipi 2:5

Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

1 Tesalonika 4:2

Nɔɔ zi nyaa ɓɔɔ ruu kɔ̀ɔ nɔɔ nɛɛ naa ɓɔɔ Kpanti Yeesɔ a ruu ɓɛɛ tɔ, naa ɓɔɔ nɔɔ nwang ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

1 Yɔhana 2:6

Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.