Matiyu 11:28 - Nyaa Shɔɔ Ɓɔɔ Laa a Ɓɛɛ

²⁸ “Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Matiyu 11:28 ပူးပေါင်းရင်းမြစ်များ

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Matiyu 23:4

Ri ĩi zang nyaa ka vuu ɓɔɔ kpãa katɔ palɛnang, a ri kasɛ nɛɛ ri lee naa ɓarɛ kagn kpang.

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yɔhana 7:37

Diki ɓɔɔ nyaalaa waa nyaa kagn kɔ, ɓa diki ɓɔɔ tɛɛrɛ tɔ nandon. Ka diki kaɓa, Yeesɔ shii paa, mɛɛ nyaa ka lapa tɔɔ, “Zang ɓɔɔ sutu nɛɛ mãa wu, wu a ka bii mɛɛ, n a wu vuu ɓɔɔ wu ɓooyi.

Zang Shonang Yeesɔ 15:10

Nɔɔ nɛɛ nɔɔ gãsɛ Laa ka ruu viya? Nɔɔ nɛɛ nɔɔ shing vuu ka yuu zang ɓɔɔ ri shing danggn tɔ, vuu ɓɔɔ ruu nɛɛ rɛɛ daa ɓuru ruu zunung tuunang kpang ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

2 Tesalonika 1:7

Naa shing nɔɔ ɓɔɔ nɔɔ dang jĩng kãntang, nɔɔ ɔ̃sɔ, a ruu ti ɔ̃sɔ jong. Naa palɛ vuu keɓe ka diki ɓɔɔ Kpanti Yeesɔ naa nwang nyaa nɛɛ lapa nɛɛ rɛɛ zang nyaa shonang ɓiɓɛ ɓɔɔ ka lapa, ɓɔɔ naa vuu palɛnang ɓarɛ bang dɔɔli ɓɛɛ.

Yahudi 4:1

Ka ruu nɔngkɔ, wee nyaa ɓɔɔ Laa arɛ ka yuu daanang ka nɔng ɔ̃sɔnang ɓiɓɛ doo kagn ɓee, ruu palɛ waasɛ̃ zang ɓɔɔ ka teteng ɓuru nɛ̀ɛ́ dàa nɔng ɔ̃sɔnang kaɓa kpang.

Vuu ɓɔɔ zang nwangsɛ Yɔhana 22:17

Suru Laa nɛɛ sinyɛ Jaa Mɛɛrɛ, ri kɔɔyi nɛɛ, “Arɛ” Zang piti ɓɔɔ nɛɛ tãa ruu keɓe tɔ, wu kɔɔ jong nɛɛ, “Arɛ” Zang ɓɔɔ sutu nɛɛ maa wu, wu arɛ, zang ɓɔɔ nɛɛ kasɛ katɔ, wu naa zã mii ɓɔɔ a zang suru bii ɓɔɔ waa nyaa kpang waati wu ɓooyi.