Matiyu 10:15 - Nyaa Shɔɔ Ɓɔɔ Laa a Ɓɛɛ

¹⁵ N kɔ̀ɔ́ nɔɔ ruu ɓɔɔ niizang kɔ nwani, ka diki ɓɔɔ Kpanti Laa naa jɛ̃ɛ zang ruu, jĩng dannang ɓarɛ naa ɓa ɓɔɔ zang gari Sɔɔdom nɛɛ Gomora katɔ.

Matiyu 10:15 ပူးပေါင်းရင်းမြစ်များ

Matiyu 12:36

N kɔɔ nɔɔ, ka diki ɓɔɔ Laa naa jɛ̃ɛ zang ruu, naa jɛ̃ɛ zang ruu ɓi doo ka ruu yee shi kpang ɓɔɔ ri rangkɛ kɛɛm kɛɛm ɓɛɛ kɔ.

Matiyu 5:18

N kɔ̀ɔ́ nɔɔ ruu ɓɔɔ niizang kɔ nwani, lapa nɛɛ tipi ri nɛɛ doogn, vuu gbete ka teteng rɛɛ vuu ɓɔɔ Musa beeyi naa shaarɛ kpang. Ri naa ɓee nyaa ditɔ nandon.

Matiyu 7:22

Zang dɔɔli ri naa kɔɔ m ka diki ɓɔɔ, Laa naa jɛ̃ɛ zang ruu nɛɛ, ‘Kpanti, rùu kɔɔ zang Ruu Laa wu nɛɛ nung ɓaaɓɛ kɔ kpang ya? Ruu ti nwangsɛ suru shi kpang nɛɛ bii zang, a ɓɔɔ shonang bang ɓɔɔ ruu palɛ, zang mã naa ka danggn nɛɛ nung ɓaaɓɛ kɔ kpang ya?’

Maraku 6:11

Nɔng piti ɓɔɔ zang nɛɛ ta nɔɔ kagn kpang, a ri ti kasɛ nɛɛ ri ɓaa shoo ka nyaa manɛ kpang. Nɔɔ nɛɛ yaa nɔng kaɓa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, zang zi kati nɛɛ ruu manɛ hãa ɓi tɔ̀ɔ́gn kpang, ɓi kaa ruu ɓarɛ.”

Yɔhana 12:48

Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Yɔhana 6:39

Zang ɓɔɔ shong m, kasɛ nɛɛ n ning zang gbete ka teteng zang kɔ wu a m ri ɓɛɛ kpang. Nɛɛ n naa wisi ri paa katɔ kɔ jong, ka diki ɓɔɔ koo waa nyaa ɓɛɛ.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Zang Shonang Yeesɔ 17:31

Ka ruu ɓɔɔ, Laa zɔ̃́ng diki tɔ gbete, ɓɔɔ wu naa jɛ̃ɛ zang koo ruu kagn ɓɛɛ. Naa jɛ̃̀ɛ zang ruu gn dang gbete kpang. Jɛ̃̀ɛ́ zang ruu nɛɛ bii zang ɓɔɔ wu zɔ̃ng ɓɛɛ. Vuu keɓe nwàng niizang ka ɓɔɔ wu wisi zang keɓe paa nɛɛ saa ɓɛɛ.”

1 Koranti 3:13

Diki ɓɔɔ shonang zang naa tusu bii kagn a ditɔ. Ka ruu ɓɔɔ, ka diki kaɓa, ɓɔɔ Yeesɔ Kirisi gbãayu ka koo keɓe, Laa naa gãsɛ shonang zang ɓu nɛɛ waa, waa kɔ naa túsù kati waasɛ̃ naa ɓɔɔ zɔ̃ng shonang zang ɓu nwàng ɓɛɛ.

1 Tesalonika 5:4

Rɛɛ manzung, nɔɔ nwang manɛ naa zang ɓɔɔ ri nwang ka nɔng ɓɔɔ tɔ̀ɔ katɔ kpang, tɔ̀ɔ diki keɓe wu arɛ nɔɔ mã naa ka danggn naa ɓɔɔ shɔngɓɔ a nɛɛ zĩi ɓɛɛ, nɔɔ shing gn kpang ɓɛɛ kpang.

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

2 Bituru 2:6

Ɓɔɔ rɛɛ gari Sɔɔdom nɛɛ Gomora dòo nɔngkɔ, Laa ti dɔng zang ɓɔɔ ri nwalɛ kagn ruu. A dɔɔ rɛɛ gari ziti keɓe dɔ̃ɔ gbete nɛɛ waa, yaa pũngku ɓarɛ kɔ shɛ̃ɛning ka tipi. Wee tusu zang nɛɛ zang ri zi naa ɓɔɔ wu dang zang ɓɔɔ ri naa dũ̀ng nyaa ɓiɓɛ kpang jĩng ɓɛɛ.

2 Bituru 2:9

Ruu Nuhu nɛɛ Lootu tusu ruu nɛɛ Laa zi gbalang ɓɔɔ wu naa ta yuu zang ɓiɓɛ nɛɛ mani tɔ, nɛɛ naa vuu ɓɔɔ gãsɛ ri ɓɛɛ. Vuu keɓe kɔ, ti tusu nɛɛ Laa zi gbalang ɓɔɔ wu naa dang zang ɓɔɔ ri palɛ vuu shi kpang jĩng tɔ, diki ɓɔɔ wu naa jɛ̃ɛ zang ruu kagn, wu a nɛɛ mani.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.

Yahuza 1:6

Danggn wu ning nɔɔ kpang. Zang nyaa shonang Laa ɓɔɔ ri ka lapa, ɓɔɔ ri nwáng ka nɔng ɓɔɔ Laa a ri naa kagn ɓɛɛ kpang, ri yáa nɔng nwannang ɓarɛ ɓɛɛ. Zang mã ri doo nɛɛ soo saka ka nɔng ɓɔɔ tɔ̀ɔ kɔngkɔng ka tipi dii, ka nɔng ɓɔɔ Laa shing ri, gã diki bang kaɓa ɓɔɔ wu naa dɔ̌ng ri ruu kagn ɓɛɛ.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.