Maraku 9:47 - Nyaa Shɔɔ Ɓɔɔ Laa a Ɓɛɛ

⁴⁷ Jĩng ɓaaɓɛ kɔ nɛɛ dɔ̃ mɔɔ, nɛɛ mɔɔ palɛ vuu shi kpang, zɔ̃ng ta mɔɔ tasɛ. Daa nɔng ɓɔɔ Laa roo Kpanti nɛɛ jĩng dang gbete gbã̀ágbãa, ka nung ɓɔɔ zang tasɛ mɔɔ nɛɛ jĩng ɓaaɓɛ ziti piti ka waa ɓɔɔ ning ɓi kpang ɓɛɛ.

Maraku 9:47 ပူးပေါင်းရင်းမြစ်များ

Matiyu 18:9

Jĩng ɓaaɓɛ kɔ nɛɛ dɔ̃ mɔɔ nɛɛ mɔɔ palɛ vuu shi kpang, zɔ̃ng katɔ mɔɔ tasɛ. Daa nɔng suru bii ɓɔɔ waa nyaa kpang nɛɛ jĩng dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ jĩng ziti ɓaaɓɛ piti, ka nɔng waa bang ɓɛɛ.

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Maraku 9:43

Ka ruu nɔngkɔ, naa ɓaaɓɛ nɛɛ dɔ̃ mɔɔ, nɛɛ mɔɔ palɛ vuu shi kpang, dɔng katɔ, mɔɔ tasɛ. Daa nɔng suru bii ɓɔɔ waa nyaa kpang nɛɛ naa dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ naa ziti ɓaaɓɛ ka yeti waa bang ɓɔɔ ning kpang ɓɛɛ. [

Maraku 9:46

Ka nɔng kaɓa jaagn ɓɔɔ shaa bii ɓarɛ, vɔ ɓi kpang ɓɛɛ. Waa ɓɔɔ ti shaa ri zang ningsi ɓi kpang ɓɛɛ.]

Luka 14:26

“Zang ɓɔɔ nɛɛ a ka bii mɛɛ, a kasɛ ruu mɛɛ ɓa ɓɔɔ wu kasɛ ruu diiɓɛ nɛɛ niiɓɛ nɛɛ ɓeeso, nɛɛ wujɛ ɓiɓɛ nɛɛ rɛɛ jaa niiɓɛ ɓɔɔ varɛ nɛɛ ɓɔɔ soro nɛɛ yuu ɓiɓɛ katɔ kpang, zunung ɓɔɔ wu nwang zang ɓɔɔ dũng m kpang.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Galati 4:15

Kãntang keɓe, ɓu vi palɛ tĩnang ɓɔɔ nɔɔ tãa gbãng gbãng kaa viya? N nɛɛ yuu mɛɛ n kɔɔ ruu keɓe katɔ nɛɛ, naa nɔɔ nɛɛ zunung katɔ, nɔɔ nɛɛ zɔ̃ngkɔ jĩng manɛ katɔ nɔɔ nɛɛ a m.