Maraku 9:43 - Nyaa Shɔɔ Ɓɔɔ Laa a Ɓɛɛ

⁴³ Ka ruu nɔngkɔ, naa ɓaaɓɛ nɛɛ dɔ̃ mɔɔ, nɛɛ mɔɔ palɛ vuu shi kpang, dɔng katɔ, mɔɔ tasɛ. Daa nɔng suru bii ɓɔɔ waa nyaa kpang nɛɛ naa dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ naa ziti ɓaaɓɛ ka yeti waa bang ɓɔɔ ning kpang ɓɛɛ. [

Maraku 9:43 ပူးပေါင်းရင်းမြစ်များ

Matiyu 17:27

A ka ruu ɓɔɔ rùu nɛ̀ɛ́ lasɛ ri yeti ɓɛɛ, dita ka mii waapo, mɔɔ daa loo galong. Tuu jaazĩi ɓɔɔ mɔɔ gaayu yinang mɔɔ puu nyaa ɓiɓɛ. Mɔɔ wàlɛ́ saka ɓɔɔ daa ɓɔ̀ɔ́ gãa Laa shunang ɓaaɓɛ nɛɛ ɓɔɔ mɛɛ piti ditɔ ka nyaa ɓiɓɛ. Tuu saka kaɓa, mɔɔ a ri, ka ruu ɓaaɓɛ nɛɛ ɓɔɔ mɛɛ.”

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 3:12

Vuu ɓɔɔ wu hã́lɛ̀ vuu nɔng, kagn naa ɓiɓɛ, naa kòoró dadong ɓiɓɛ ditɔ, tɔ̀ɔ, wu kpalɛ jĩng vuu ɓiɓɛ ka bɔ̃nɔ, wu yaa gãrɛ ɓiɓɛ, wu dɔɔ nɛɛ waa ɓɔɔ ning ɓi kpang ɓɛɛ.”

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Maraku 9:44

Ka nɔng kaɓa, jaagn ɓɔɔ shaa bii ɓarɛ, vɔ ɓi kpang ɓɛɛ. Waa ɓɔɔ ti shaa ri zang ningsi ɓi kpang ɓɛɛ.]

Luka 14:13

Mɔɔ nɛɛ tɔɔ mɔɔ a zang vuu shaanang, gáarɛ́ zang ɓɔɔ vuu ka naa ɓarɛ kpang, nɛɛ zang ɓɔɔ kàa katɔ, nɛɛ zang ɓɔɔ doo shãa katɔ, nɛɛ zang ɓɔɔ jĩng ringtang ɓɛɛ.

Luka 14:21

A zang shonang yɔɔ gbãayu daa kɔɔ wu vuu ɓɔɔ zang kɔɔrɔ ɓɛɛ. A gnvɔ shaa yɔɔ gãa, a kɔɔ zang shonang ɓiɓɛ tɔɔ, ‘Dita nyaa gbalang, nɛɛ boo gãa ɓɔɔ ka gari piti, mɔɔ ɓaarɛ zang ɓɔɔ vuu ka naa ɓarɛ kpang, nɛɛ zang ɓɔɔ ri kàa katɔ, nɛɛ zang jĩng ringtang, a ɓɔɔ zang ɓɔɔ doo shãa katɔ ɓɛɛ.’

Luka 3:17

Vuu ɓɔɔ wu naa hãlɛ̀ vuu nɛɛ mani kagn naa ɓiɓɛ. Naa kooro dadong ɓiɓɛ ditɔ, tɔ̀ɔ, wu kpalɛ jĩng vuu ɓiɓɛ ka bɔ̃nɔ. Wu yaa gãrɛ ɓiɓɛ, wu doo kaa nɛɛ waa ɓɔɔ ning ɓi kpang ɓɛɛ.”

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

1 Koranti 9:27

N kasɛ tɔ n dang jĩng ka zɔ̃ng zɔ̃ng, tɔ̀ɔ, n yiti yuu mɛɛ kati. Tɔ̀ɔ, ɓɔɔ n kɔɔrɔ zang Ruu Tɔ̃ɔ Laa, Laa nɛ̀ɛ́ naa bɛ̃ɛ m.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

Titu 2:12

Tɔ̃ɔ ɓiɓɛ keɓe, kɔ tusu ruu, ruu yaa nwannang ta naa zang ɓɔɔ ri zi Laa kpang ɓɛɛ, nɛɛ naa zang ɓɔɔ ri kasɛ ruu vuu koo ɓɛɛ. Ruu nwangnɛ, ruu yiti yuu ɓuru katɔ, ruu nwang nwannang ɓɔɔ tɔ̃ɔ ɓɛɛ, ruu dũng Laa ka nwannang ɓuru ka koo keɓe.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.