Maraku 9:4 - Nyaa Shɔɔ Ɓɔɔ Laa a Ɓɛɛ

⁴ A ri zi Iliya nɛɛ Musa, ɓɔɔ bɛ̀ɛ́ ri vɔlɔ tɔ ɓɛɛ, ri rang yee kana nɛɛ Yeesɔ.

Maraku 9:4 ပူးပေါင်းရင်းမြစ်များ

Matiyu 11:13

Zang nyaa shonang Laa piti, nɛɛ Labeenang Laa ɓɔɔ Musa beeyi, ri kɔɔ ruu Kpanti roonang Laa sasak, a à nɔng ka bii Yɔhana ɓɔɔ palɛ zang batizima ɓɛɛ.

Maraku 9:3

Fɔ̃ɔrɔ ɓiɓɛ risi nwáng kaa puru shãa shãa. Zang fɔ̃ɔrɔ sɔɔnang ɓɔɔ sɔɔ fɔ̃ɔrɔ wu puu naa weɓe kagn koo keɓe kpang.

Maraku 9:5

Bituru kɔɔ Yeesɔ tɔɔ, “Kpanti, wee ruu ka nihn wukɔ tɔ̃ɔ. Mɔɔ nɛɛ kasɛ tɔ, ruu waa putali taati ka nihn, ɓɔɔ ɓaaɓɛ gbete, ɓɔɔ Musa gbete, a ɓɔɔ Iliya ti gbete.”

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Luka 9:19

Ri kasɛ wu nyaa tɔɔ, “Zang ɓɔɔ ri kɔɔ ɓarɛ nɛɛ mɔkɔ Yɔhana ɓɔɔ palɛ zang batizima ɓɛɛ. Zang ɓɔɔ ri ti kɔɔyi nɛɛ mɔkɔ Iliya. Zang ɓɔɔ ri kɔɔyi nɛɛ, mɔɔ zang nyaa shonang Laa ɓɔɔ gbete ɓɔɔ ka tĩng tɛ̃ɛ tɛ̃ɛ ɓɛɛ. Laa wisi wukɔ paa nɛɛ saa.”

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.