Maraku 9:29 - Nyaa Shɔɔ Ɓɔɔ Laa a Ɓɛɛ

²⁹ A Yeesɔ kasɛ ri nyaa tɔɔ, “Suru shi kpang ɓɔɔ naa weɓe nwáng ɓi jong waati kpang, zang nwangsɛ ɓi nɛɛ Laa gaanang.”

Maraku 9:29 ပူးပေါင်းရင်းမြစ်များ

Matiyu 12:45

Daayi, daa atɛ suru shi kpang ɓɔɔ ɓa wu shi kpang palɛnang katɔ manziti. A suru shi kpang manziti kaɓa, ri naa turɛ, ri nwang ka yeti zang kaɓa. Nwannang shɔnzang keɓe, naa ɓa ɓɔɔ tĩng shɔɔnang lasɛnang ɓi kaa tɔ. Vuu ɓɔɔ naa palɛ zang koo jaa knti keɓe, naa nwang nɔngkɔ.”

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Matiyu 17:21

[Suru shi kpang ɓɔɔ naa weɓe, nwang ɓi jong waati kpang, zang nwangsɛ ɓi nɛɛ Laa gaanang, nɛɛ nyaalaa sennang.]

Maraku 9:28

Yeesɔ daa tɔ ka yeti gãa ka bm, a zang ɓɔɔ ri mantɛ vuu ka bii ɓiɓɛ, ri hɛ̃ɛ wu tɔɔ, “Ruu zunung nwangsɛnang ɓuru kpang ka ruu viya?”

Maraku 9:30

A Yeesɔ nɛɛ zang ɓɔɔ ri mantɛ vuu ka bii ɓiɓɛ, ri seepaa nɛɛ nɔng kaɓa, ri naa sɔɔ kaa nɛɛ tipi Galili. Yeesɔ kasɛ nɛɛ zang gbete wu zi nɔng ɓɔɔ wu kagn kpang.

Luka 11:26

Gbãayu daa atɛ suru shi kpang ɓɔɔgn, manziti, ɓɔɔ ɓa wu shi kpang palɛnang katɔ ɓɛɛ, tɔ̀ɔ, ri naa nwang kaa gãa kaɓa. Nwannang zang kaɓa naa lasɛ ɓa ɓɔɔ tĩng shɔɔnang ɓi kaa tɔ.”

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

1 Koranti 9:27

N kasɛ tɔ n dang jĩng ka zɔ̃ng zɔ̃ng, tɔ̀ɔ, n yiti yuu mɛɛ kati. Tɔ̀ɔ, ɓɔɔ n kɔɔrɔ zang Ruu Tɔ̃ɔ Laa, Laa nɛ̀ɛ́ naa bɛ̃ɛ m.

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

2 Koranti 12:8

N gàa Laa tɔ, daa doo taati ka yuu kɔnang keɓe, n tɔɔ wu masɛ m jong.

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Yakubu 5:15

Naa zang gaa Laa, zang shing danggn kagn waasɛ̃, Laa gaanang keɓe shing kɔnang katɔ wu yaa zang nɔng. Laa wu ti a wu kaka bii. Naa palɛ doo vuu shi kpang, Laa yaa wu gbalang vuu shi kpang keɓe katɔ.