Maraku 9:23 - Nyaa Shɔɔ Ɓɔɔ Laa a Ɓɛɛ

²³ Yeesɔ kɔɔ wu tɔɔ, mɔkɔ nɛɛ zunung danggn shinnang katɔ jong. Zang piti ɓɔɔ shing danggn ka bii Laa, vuu ɓɔɔ kpãa wu ɓi kagn kpang.

Maraku 9:23 ပူးပေါင်းရင်းမြစ်များ

Matiyu 14:29

A Yeesɔ kɔɔ Bituru tɔɔ, “A ta.” A Bituru seepaa nɛɛ yeti tonsi, ra ka yuu paa mii, daa kana bii Yeesɔ.

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Maraku 11:23

N kɔɔ nɔɔ ruu ɓɔɔ niizang kɔ nwani, zang ɓɔɔ shing danggn ka bii Laa, yaa danggn naa kpang, shing danggn nɛɛ vuu ɓɔɔ wu kɔɔyi naa nwang ditɔ nɔngkɔ. Naa zang kaɓa kɔɔ kɔpɔ keɓe nɛɛ, ‘Ruu ta nɛɛ bii ɓaaɓɛ, mɔɔ daa watɛ ka mii waapo, Laa naa pàlɛ́ wu katɔ.’

Maraku 9:22

“Diki ɓɔ̀ɔ́gn loo wu ka waa, diki ɓɔ̀ɔ́gn ti loo wu ka mii, nɛɛ tɔ̀ɔ wu nyɔ wu vɔrɔ kati. Mɔɔ nɛɛ zunung katɔ, gn ɓuru wu kɔng mɔɔ, mɔɔ yi ruu naa kagn, mɔɔ màsɛ̀ ruu wu.”

Maraku 9:24

A dáa jaa mɛɛ nyaa ka lapa nabm tantɛnang tɔɔ, “N shing danggn tɔ, yi m naa kagn. N shing danggn ka bii ɓaaɓɛ gbãng gbãng.”

Luka 17:6

A Yeesɔ kasɛ ri nyaa tɔɔ, “Naa danggn ɓɔɔ nɔɔ shing ka bii Laa, nɛɛ nwang naa jĩng masita, nɔɔ nɛ̀ɛ́ kɔɔ laa zulung bang keɓe katɔ nɛɛ, ‘Ru ta nɛɛ yuu ɓaaɓɛ, mɔɔ daa shɔ bii ɓaaɓɛ ka yeti mii waapo.’ Ti palɛ katɔ naa ɓɔɔ nɔɔ kɔɔ ɓɛɛ.

Yɔhana 11:40

Yeesɔ kɔɔ wu tɔɔ, “N kɔɔ mɔɔ kpang nɛɛ, naa mɔɔ shing danggn mɔɔ zi bannang Laa katɔ kpang ya?”

Zang Shonang Yeesɔ 14:9

Ɓaa shoo, tã̀á Ruu Laa ɓɔɔ Bulu kɔɔ ɓɛɛ. A Bulu shù wu jĩng ka bii, a zi danggn ɓɔɔ wu shing ɓɛɛ, daa naa ɓɔɔ zang masɛ wu tɔ.

Yahudi 11:6

Naa zang shing danggn ka bii Laa kpang, zang pálɛ̀ vuu ɓɔɔ Laa tãa tĩnang zang kpang. Ka ruu ɓɔɔ, zang piti ɓɔɔ a ka bii Laa, wu shíng danggn katɔ nɛɛ Laa kagn, wu ti shing danggn nɛɛ Laa a zang ɓɔɔ ri kãa wu vuu katɔ.