Maraku 9:18 - Nyaa Shɔɔ Ɓɔɔ Laa a Ɓɛɛ

¹⁸ Nɔng ɓɔɔ naa mã wu kagn, loo wu ka tipi. Puru ti pú wu nɛɛ nyaa kpung, kpung. Wu ti sháa tãri kpaaka, kpaaka. Wu ti shiiri wu gbatagbata. N gaa zang ɓɔɔ ri mantɛ vuu ka bii ɓaaɓɛ, nɛɛ ri nwangsɛ suru shi kpang keɓe, ri zunung kpang.”

Maraku 9:18 ပူးပေါင်းရင်းမြစ်များ

Matiyu 15:22

A jaa soro Kaana ɓɔɔ nwang ka tipi kaɓa, a ka bii ɓiɓɛ. Kaa nyaa kana nɛɛ, “Kpanti, Jaa Dawuda gn mɛɛ wu kɔng mɔɔ jong. Suru shi kpang dang jaa mɛɛ ɓɔɔ zang soro jĩng dɔɔli.”

Matiyu 17:16

N à nɛɛ wu ka bii zang ɓɔɔ ri mantɛ vuu ka bii ɓaaɓɛ, ri zunung ɓɔɔ ri masɛ wu kpang.”

Matiyu 8:12

A zang naa nwangsɛ kaa zang ɓɔɔ ri shing danggn nɛɛ rikɔ naa daa ka nɔng ɓɔɔ Laa roo Kpanti ɓɛɛ jong, zang tasɛ ri ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ ri naa kaayi ri ti shaa nyaa kagn kpaaka, kpaaka ɓɛɛ.”

Maraku 11:23

N kɔɔ nɔɔ ruu ɓɔɔ niizang kɔ nwani, zang ɓɔɔ shing danggn ka bii Laa, yaa danggn naa kpang, shing danggn nɛɛ vuu ɓɔɔ wu kɔɔyi naa nwang ditɔ nɔngkɔ. Naa zang kaɓa kɔɔ kɔpɔ keɓe nɛɛ, ‘Ruu ta nɛɛ bii ɓaaɓɛ, mɔɔ daa watɛ ka mii waapo, Laa naa pàlɛ́ wu katɔ.’

Maraku 9:17

Zang gbete ka yeti zang ɓɔɔ ri kpalɛ zɔɔ, kasɛ wu nyaa tɔɔ, “Maalang, n atɛ mɔɔ jaa mɛɛ ɓɔɔ suru shi kpang nɔɔ wu nyaa katɔ, rang yee takpang ɓɛɛ.

Maraku 9:19

A Yeesɔ pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Nɔɔ zang koo jaa knti keɓe, ɓɔɔ nɔɔ shing danggn ka bii Laa kpang ɓee, nɔɔ nɛɛ ń nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Nɔɔ atɛ m jaa bìí ta.”

Maraku 9:20

A ri atɛ wu jaa kati. Ɓu doo ɓɔɔ suru shi kpang zi Yeesɔ hn, mã jaa, jaa watɛ ka tipi. Jaa jĩiri ka tipi, puru pu jaa nɛɛ nyaa kpung, kpung.

Maraku 9:26

A suru shi kpang mɛɛ nyaa ka lapa, a mã jaa tɔ̃ɔ, tɔ̃ɔ, a nwangnɛ yàa jaa bii kati. Jaa roo ka tipi ɓoromang naa zang ɓɔɔ vɔ tɔ ɓɛɛ, ka ruu nɔngkɔ, zang dɔɔli ka teteng zang ɓɔɔ ri kpalɛ zɔɔ ri kɔɔyi tɔ jaa vɔ tɔ.

Zang Shonang Yeesɔ 7:54

Ɓɔɔ zang ɓɔɔ ri jɛ̃ɛ zang ruu, ri tãa vuu ɓɔɔ Istifanu kɔɔ ɓɛɛ, gnvɔ shaa ri, ri shaa tãri.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.