Maraku 8:6 - Nyaa Shɔɔ Ɓɔɔ Laa a Ɓɛɛ

⁶ A kɔɔ zang ɓɔɔ ri kpalɛ zɔɔ gaagaa, nɛɛ ri nwálɛ́ ta tipi. A see borodi manziti kaɓa, a zãa Kpanti Laa, a shalɛ, a zang ɓɔɔ ri mantɛ vuu ka bii ɓiɓɛ, nɛɛ ri alɛ zang ɓɔɔ ri kpalɛ zɔɔ ɓɛɛ ta. A zang ɓɔɔ ri mantɛ vuu ka bii ɓiɓɛ, ri alɛ zang kati.

Maraku 8:6 ပူးပေါင်းရင်းမြစ်များ

Matiyu 26:26

Ri shaa vuu shaanang kana, a Yeesɔ tuu borodi zãa Kpanti Laa, a shalɛ a zang ɓɔɔ ri mantɛ vuu ka bii ɓiɓɛ kati. A kɔɔ ri tɔɔ, “Nɔɔ tá ta nɔɔ shaayi. Weɓe yɔpɔ bii mɛɛ kɔ.”

Maraku 8:20

A borodi manziti ɓɔɔ n á zang labang dɛ̃ɛti, nɔɔ kpalɛ ɓɔɔ zang yaarɛ saang nɛya? Ri ti kasɛ wu nyaa tɔɔ, “Saang manziti.”

Maraku 8:5

A hɛ̃ɛ ri tɔɔ, “Borodi manɛ yaa nɛya?” Ri kasɛ wu nyaa tɔɔ, “Yaa manziti.”

Maraku 8:7

A jaazĩi seseere ti yaa doogn ka naa zang ɓɔɔ ri mantɛ vuu ka bii Yeesɔ tɔkɔlɔng. A Yeesɔ ti zãa Kpanti Laa ka ruu jaazĩi kaɓa, a kɔɔ zang ɓɔɔ ri mantɛ vuu ka bii ɓiɓɛ, nɛɛ ri alɛ zang ta kɔ doori.

Luka 12:37

Tĩnang tãanang ɓi ɓɔɔ zang shonang ɓɔɔ dabang ɓarɛ arɛ naa ĩi ri ningkãari ɓɛɛ. N kɔ̀ɔ́ nɔɔ ruu ɓɔɔ niizang kɔ nwani, wukɔ naa tu fɔ̃ɔrɔ ɓiɓɛ jong, wu shing ri, ri nwang ka nɔng vuu shaanang, wu a ri vuu shaanang ri shaayi.

Luka 24:30

Nwangnɛ nɛɛ wu shaa kaa vuu shaanang nɛɛ ri. Tuu borodi a gaa Laa, sharɛ a á ri.

Yɔhana 2:5

Nàá Yeesɔ kɔɔ zang ɓɔɔ ri arɛ, ri yi zang naa ka shonang ɓɛɛ tɔɔ, “Vuu ɓɔɔ nɛɛ kɔɔ nɔɔ piti nɔɔ pálɛ́.”

Yɔhana 6:23

A tonsi ɓɔɔ ri alɛ nɛɛ Tiberiya ri naa shiiri ka nyaa rang, naabm nɛɛ nɔng ɓɔɔ zang dɔɔli ri shaa borodi ɓɔɔ Yeesɔ zãa Laa a ri ɓɛɛ.

Rooma 14:6

Zang ɓɔɔ nɛɛ tɔɔ, diki ɓɔɔ ɓa ɓɔɔ nimbang katɔ, kɔɔ nɔngkɔ, ka ruu ɓɔɔ, kasɛ nɛɛ wu a Laa bannang ɓɛɛ. Zang ɓɔɔ nɛɛ shaa vuu piti, shaa ka Ruu Laa, ka ruu ɓɔɔ zãa Laa katɔ ɓɛɛ. Zang ɓɔɔ nɛɛ bɛ̃ɛ vuu piti shaanang, bɛ̃ɛ ka Ruu Laa, a ti zã̀a wu katɔ.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.