Maraku 8:12 - Nyaa Shɔɔ Ɓɔɔ Laa a Ɓɛɛ

¹² A Yeesɔ shu gn, a kɔɔ ri tɔɔ, “Zang koo jaa knti keɓe, nɔɔ kasɛ n tusu nɔɔ vuu ɓɔɔ zang zirɛ, zang mã naa ka danggn, ka ruu viya? N kɔɔ nɔɔ ruu ɓɔɔ niizang kɔ nwani, n tusu nɔɔ kpang.”

Maraku 8:12 ပူးပေါင်းရင်းမြစ်များ

Matiyu 12:38

Ka teteng zang Farisi nɛɛ zang ɓɔɔ ri tusu zang labeenang kaɓa, zang ɓɔɔ ri kɔɔ Yeesɔ tɔɔ, “Maalang, ruu kàsɛ̀ nɛɛ mɔɔ tusu ruu vuu ɓɔɔ zang zirɛ zang mã naa ka danggn ɓɛɛ.”

Matiyu 16:4

Nɔɔ zang yeti shi kpang koo jaknti ɓɔɔ nɔɔ zi Laa Kpang ɓee, nɔɔ kasɛ nɛɛ n tusu nɔɔ vuu ɓɔɔ zang zirɛ zang mã naa ka danggn ɓɛɛ. N tùsù nɔɔ kpang, zang tusu ɓɔɔ zang palɛ ka bii Yunana zang nyaa shonang Laa ɓɛɛ kɔ shɛ̃ɛning. A yaa ri daayi.”

Maraku 3:5

Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.

Maraku 6:6

Yeesɔ mã naa ka danggn, ka ruu ɓɔɔ, ri shing danggn ka bii ɓiɓɛ kpang ɓɛɛ. A daarɛ ka gari ɓɔɔgn daa tusu zang vuu kati.

Maraku 7:34

A Yeesɔ tuu jĩng ka lapa a shu gn, a kɔɔ yɔɔ tɔɔ “Efata,” (Dĩiri ruu keɓe ɓi, “Lu ta.”)

Maraku 8:13

A yáa ri ka nɔngkɔ, vang tonsi tɔkn, ta mii waapo daa ka nyaa gãnggãng dang.

Maraku 9:19

A Yeesɔ pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Nɔɔ zang koo jaa knti keɓe, ɓɔɔ nɔɔ shing danggn ka bii Laa kpang ɓee, nɔɔ nɛɛ ń nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Nɔɔ atɛ m jaa bìí ta.”

Luka 19:41

Yeesɔ a tɔ, yaa Urushalima kaa naabm, naa zi gari, a wɔsɔ miiri.