Maraku 7:5 - Nyaa Shɔɔ Ɓɔɔ Laa a Ɓɛɛ

⁵ A zang Farisi nɛɛ zang ɓɔɔ ri tusu zang vuu kaɓa, ri hɛ̃ɛ Yeesɔ tɔɔ, “Zang ɓɔɔ ri mantɛ vuu ka bii ɓaaɓɛ, ri pálɛ̀ vuu ɓarɛ naa ɓɔɔ daa ɓuru tusu kpang ka ruu viya? Ri shaa vuu shaanang, ri sɔɔ naa ɓarɛ naa ɓɔɔ daa ɓuru tusu ruu kpang ka ruu viya?”

Maraku 7:5 ပူးပေါင်းရင်းမြစ်များ

Matiyu 15:2

“Zang ɓɔɔ ri mantɛ vuu ka bii ɓaaɓɛ, ri ɓa nyaa ɓɔɔ daa ɓuru dang ka ruu viya? Ka ruu vi, ri shaa vuu shaanang, ri sɔɔ náa ɓarɛ naa ɓɔɔ daa ɓuru tusu rùu kpang viya?”

Maraku 7:13

Ka ruu nɔngkɔ, nɔɔ shing Ruu Laa nwang tɔ vuu ɓɔɔ kpang, ka ruu ɓɔɔ, nɔɔ tusu zang vuu ɓɔɔ dáa manɛ tusu ɓɛɛ. Vuu ɓɔɔ nɔɔ palɛ naa weɓe ti kagn dɔɔli. Nɔɔ tusu zang wu Ruu Laa kpang.

Maraku 7:8

“Nɔɔ yaa nyaa ɓɔɔ Laa dangnɛ, nɔɔ dṹng nyaa ɓɔɔ shɔnzang dang ɓɛɛ.”

Maraku 7:9

A ti kɔɔ ri tɔkn tɔɔ, “Nɔɔ zunung ɓɔɔ nɔɔ ɓa nyaa ɓɔɔ Laa dangnɛ, nɔɔ dũng ɓɔɔ daa manɛ dang ɓɛɛ dɔɔli.

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Zang Shonang Yeesɔ 21:24

Daa nɛɛ ri, mɔɔ pálɛ́ vuu ɓɔɔ zang pálɛ̀, tɔɔ zang nwang zang tɔ̃ɔ tɔkn ka tĩng Laa ɓɛɛ. Mɔkɔ mɔɔ shu vuu ɓɔɔ ri nɛɛ shu ɓɛɛ nandon, tɔ̀ɔ, zang kpɛ̃ɛ ri yuu kati. Tɔ̀ɔ, ri zi kati nandon, nɛɛ vuu ɓɔɔ zang kɔɔrɔ ri ka yuu ɓaaɓɛ ɓi niizang kpang. Nɛɛ mɔɔ dũng ɓaa doo nyaa ɓɔɔ Musa dang ɓɛɛ kɔ.

Rooma 4:12

Ibirayi ti doo dabang zang ɓɔɔ zang yee ri shaa katɔ kɔ. Wu ka ruu ɓɔɔ, zang yee ri shaa katɔ kɔ shɛ̃ɛning kpang. Ka ruu ɓɔɔ ri nwangnɛ, ri shing danggn ka bii Laa naa ɓɔɔ dabang ɓuru Ibirayi nwangnɛ bɛ̀ɛ́ zang yee wu shaa gn kpang ɓɛɛ.

Galati 1:14

Nkɔ ka tĩng rɛɛ sangvaa mɛɛ nandon, ka ruu gbalang zang Yahudi dũnnang. N shing jĩng ka vuu ɓɔɔ rɛɛ dabang ɓuru ri tusu ɓɛɛ palɛnang gbãng gbãng.

2 Tesalonika 3:11

Ruu kɔɔ nɔngkɔ, ka ruu ɓɔɔ, ruu tãayi nɛɛ zang ɓɔɔ ka teteng manɛ ri nwang nwannang rang. Ri palɛ vuu ɓɔɔ kpang, ri hã̀lɛ́ nyaa ka ruu ɓɔɔ, wu ɓɔɔ ɓarɛ kpang ɓɛɛ.

2 Tesalonika 3:6

Rɛɛ manzung ɓuru, ruu dang nɔɔ nyaa nɛɛ nung Kpanti ɓuru Yeesɔ Kirisi nɛɛ nɔɔ ɓákɛ̀ yuu nɛɛ zang ɓɔɔ ri dũng doo Laa kɔ, ɓɔɔ ri nwang nwannang rang ɓɛɛ kpang. A ri dũng nyaa ɓuru kpang ɓɛɛ.