Maraku 7:37 - Nyaa Shɔɔ Ɓɔɔ Laa a Ɓɛɛ

³⁷ Zang piti ɓɔɔ ri tãa ruu kaɓa, ri mã naa ka danggn. Ri tɔɔ, “Vuu ɓɔɔ yɔɔ keɓe palɛ ɓi tɔ̃ɔ kɔ nandon. Pálɛ̀ zang ɓɔɔ shoo nɔɔ katɔ wu tãa nɔng. A zang ɓɔɔ nyaa nɔɔ katɔ ti rang yee.”

Maraku 7:37 ပူးပေါင်းရင်းမြစ်များ

Matiyu 9:32

Zang ɓɔɔ ri kpalɛ zɔɔ ka bii Yeesɔ, ri seepaa daanang tɔ, a zang atɛ Yeesɔ zang nyaa nɔɔ katɔ, ɓɔɔ suru shi kpang ka bii ɓiɓɛ kati.

Maraku 1:27

Zang piti ri mã naa ka danggn. Ri hɛ̃ɛlɛ zɔɔ ka naa ɓarɛ, tɔɔ, “Ɓi lɛ̀ɛ́ vuu tusunang kiya? Yɔɔ keɓe mangkɛ suru shi kpang, a ri ti ɓaa shoo ka nyaa ɓiɓɛ.”

Maraku 2:12

A yɔɔ ɓɔɔ bii vɔ katɔ seepaa tantɛnang tuu siri ɓiɓɛ, ra ka jĩng zang nandon, a daayi. Ɓɔɔ zang ɓɔɔ ri kpalɛ zɔɔ ri zi naa weɓe, ri mã naa ka danggn. A ri dɔɔ Kpanti Laa. Ri tɔɔ “Ruu zi vuu ɓɔɔ naa weɓe, gngn kpang.”

Maraku 4:41

Ri mã naa ka danggn, a ri hɛ̃ɛlɛ zɔɔ kaa naa ɓarɛ tɔɔ, “Wee ɓi lɛ̀ɛ́ zang viya? Jasung nɛɛ mii waapo ri ɓaa shoo ka nyaa ɓiɓɛ wiya?”

Maraku 5:42

A jaa seepaa tantɛnang, gaa tɔɔsung rakɛnang kati. Sáa jaa kaɓa kopi tu ziti. Ɓɔɔ ri zi naa weɓe, ri mã naa ka danggn.

Maraku 6:51

A Yeesɔ vang kaa yeti tonsi, a jasung ɓɔɔ rarɛ vɔ̃ nyaa kati. Zang ɓɔɔ ri mantɛ vuu ka bii ɓiɓɛ ri mã naa ka danggn.

Maraku 7:36

A Yeesɔ shaarɛ zang ɓɔɔ ri kpalɛ zɔɔ nyaa nɛɛ, ri daa kɔɔ zang ɓɔɔ kpang. Yeesɔ nɛɛ, shaarɛ ri nyaa tɔɔ nɛɛ ri daa kɔɔ zang ɓɔɔ kpang, ri ti daa kɔɔrɔ zang ɓarɛ kaa gbãng gbãng kɔ jong.

Maraku 8:1

Ka diki kaɓa, zang ɓɔɔgn, ri naa kpalɛ zɔɔ ka bii ɓiɓɛ gaagaa, vuu ɓɔɔ ri shaa ɓɛɛ takpang. A Yeesɔ ɓaa nyaa ka zang ɓɔɔ ri mantɛ vuu ka bii ɓiɓɛ, a kɔɔ ri tɔɔ,

Luka 23:41

Vɔrɔ ɓuru ɓi ti waasɛ̃, ka ruu ɓɔɔ, ruu vɔ ɓuru ka ruu vuu shi kpang ɓɔɔ ruu palɛ ɓɛɛ. Yɔɔ keɓe palɛ vuu shi kpang ɓɔɔ kagn kpang.”

Zang Shonang Yeesɔ 14:11

A zang ɓɔɔ ri kpálɛ́, ri zi vuu ɓɔɔ Bulu pálɛ́, ri goo nyaa ka lapa nɛɛ nyaa zang Likoniya ri tɔɔ, “Vuu gãnti ri tuu bii shɔnzang ri a ka bii ɓuru.”