Maraku 7:28 - Nyaa Shɔɔ Ɓɔɔ Laa a Ɓɛɛ

²⁸ A jaa soro kasɛ wu nyaa tɔɔ, “N zi tɔ nɔngkɔ niizang, zaa ɓɔɔ ka dii teeburu, ri yakɛ kɔkɔlɔ borodi ɓɔɔ shili nɛɛ naa wujɛ ɓɛɛ katɔ.”

Maraku 7:28 ပူးပေါင်းရင်းမြစ်များ

Matiyu 15:27

A jaa soro kasɛ wu nyaa tɔɔ, “Shi kpang niizang Kpanti. Zaa ri yakɛ kɔkɔlɔ vuu shaanang ɓɔɔ shili nɛɛ naa zang ɓɔɔ mã ri ɓɛɛ katɔ.”

Matiyu 5:45

tɔ̀ɔ nɔɔ nwang wujɛ Daa manɛ ɓɔɔ ka lapa kati. Ka ruu ɓɔɔ Kpanti Laa shingnɛ laa ɓiɓɛ wu nwang ka yuu zang shi kpang nɛɛ zang tɔ̃ɔ piti ɓɛɛ. Ti a zang ɓɔɔ tɔ̃ɔ nɛɛ zang shi kpang mii lapa katɔ ɓɛɛ.

Maraku 7:27

A Yeesɔ kasɛ wu nyaa tɔɔ, “Rúu a wujɛ kɔ vuu shaanang shɔɔnang, ka ruu ɓɔɔ, daa naa ɓɔɔ zang tuu vuu shaanang wujɛ zang tasɛ zaa kpang.”

Maraku 7:29

A Yeesɔ kɔɔ wu tɔɔ “Mɔɔ kasɛ nyaa tɔ̃ɔ, ka ruu nyaa ɓɔɔ mɔɔ kasɛ m naa weɓe ɓɛɛ, gbãayu ta mɔɔ daa gãa, suru shi kpang yàa jaa ɓaaɓɛ bii tɔ.”

Rooma 10:12

Ruu keɓe muku zang piti, ka ruu ɓɔɔ, gbalang ɓɔɔ zang ta yuu zang Yahudi nɛɛ zang ɓɔɔ ri zang Yahudi kpang, ɓi gbete ɓɛɛ. Laa ɓi wukɔ Kpanti zang piti, shing zang piti ɓɔɔ ri gaa wu, ri walɛ vuu tɔ̃ɔ dɔɔli.

Rooma 3:29

Laa ɓi Laa zang Yahudi kɔ shɛ̃ɛning ya? Ɓi doo Làá zang ɓɔɔ ri zang Yahudi kpang kɔ doori kpang ya? Ɓi doo Laa ɓarɛ kɔ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.