Maraku 7:21 - Nyaa Shɔɔ Ɓɔɔ Laa a Ɓɛɛ

²¹ Ka ruu ɓɔɔ vuu naa, rɛɛ rɛ̃rɛnang vuu shi kpang, rooronang nɛɛ jaa soro ɓɔɔ zang gee ka takpang, shɔngɓɔ ɓɔɔnang, shɔnzang nyɔnang vɔrɔ, rooronang nɛɛ soro zang ɓɔɔgn,

Maraku 7:21 ပူးပေါင်းရင်းမြစ်များ

Matiyu 15:19

Ka ruu ɓɔɔ vuu shi kpang ɓɔɔ ka yeti shɔnzang kɔ shing zang, zang rɛ̃rɛ vuu shi kpang. Zang nyɔ zang vɔrɔ, roonang nɛɛ soro zang ɓɔɔgn, roonang nɛɛ jaa soro ɓɔɔ zang gee ka takpang ɓɛɛ. Zang ti ɓɔɔ shɔngɓɔ, zang zɛ̃ɛ zang nyaa, zang ti rang yee shi kpang ka yuu zang.

Matiyu 9:4

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ vuu shi kpang vi ka yeti manɛ nɔngkɔ viya?

Maraku 7:20

A ti kɔɔ tɔkn tɔɔ, “Vuu ɓɔɔ nwang nɛɛ nyaa shɔnzang, wukɔ shing zang, zang nwang zang shi kpang ka tĩng Laa.

Maraku 7:22

kasɛnang vuu ɓɔɔ wu ɓɔ̀ɔ́ zang kpang nɛɛ gɔ̃ɔ kãanang, nɛɛ zang nwãarɛnang, nɛɛ vuu yusɛ̃ɛ palɛnang, nɛɛ sũnyaa kaanang, nɛɛ yee shi kpang rannang ka yuu zang, nɛɛ yuu tuunang, nɛɛ vuu ɓɔɔ zang palɛ naa shoko, nwáng ɓi nɛɛ yeti shɔnzang.

Luka 16:15

Yeesɔ kɔɔ ri tɔɔ, “Nɔɔ túsù yuu manɛ waati ka nɔng zang nɛɛ nɔɔ zang tɔ̃ɔ, Laa zi yeti manɛ ɓi tɔ. Vuu ɓɔɔ shɔnzang zirɛ, nɛɛ ɓi vuu tɔ̃ɔ, ɓɔɔ ka jĩng Laa ɓi vuu baabii.

Zang Shonang Yeesɔ 5:4

Ɓɔɔ bɛ̀ɛ́ mɔɔ mãlɛ́ gn kpang, wu ɓɔɔ ɓaaɓɛ kpang ya? Ka ɓɔɔ mɔɔ ti mãlɛ́ tɔ, saka piti wu ɓɔɔ ɓaaɓɛ kɔ kpang ya? Ka ruu vi mɔɔ naa mang ka yeti ɓaaɓɛ nɛɛ mɔɔ palɛ vuu keɓe viya? Mɔɔ suu wu shɔnzang sèé kpang, mɔɔ suu ɓaa Laa sèé.”

Zang Shonang Yeesɔ 8:22

Kɔ̃sɔ yeti ɓaaɓɛ ta, ka ruu vuu shi kpang keɓe, mɔɔ gaa Laa wu yaa mɔɔ gbalang, ka ruu ɓɔɔ, mɔɔ rɛ̃rɛ vuu shi kpang naa weɓe ɓɛɛ.

Rooma 7:5

Ka ɓɔɔ bɛ̀ɛ́ ruu nwàng doo nwannang naa shɔnzang waati ɓɛɛ, bii ɓuru ɓɔɔ kasɛ vuu shi kpang palɛnang, sèé paa kaa gbãng gbãng, ka ruu ɓɔɔ, nyaa dannang Laa shing wu ɓɛɛ. Vuu piti ɓɔɔ ruu palɛ nwang ruu ɓuru vɔrɔ kɔ shɛ̃ɛning.

Rooma 7:8

Ɓi vuu shi kpang walɛ gbalang nɛɛ bii nyaa dannang Laa, a shing m, n shĩ̀lí jĩng ka vuu zang ka zɔ̃ng zɔ̃ng. Naa nyaa ɓɔɔ Laa dangnɛ, nɛɛ kpang, vuu shi kpang nɛɛ zunung vuu ɓɔɔ palɛnang kpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yakubu 2:4

Nɔɔ nɛɛ palɛ tɔ naa weɓe, nɔɔ palɛ vuu gn dang gbete. Nɔɔ jɛ̃̀ɛ zang ruu tɔ shi kpang.