Maraku 6:6 - Nyaa Shɔɔ Ɓɔɔ Laa a Ɓɛɛ

⁶ Yeesɔ mã naa ka danggn, ka ruu ɓɔɔ, ri shing danggn ka bii ɓiɓɛ kpang ɓɛɛ. A daarɛ ka gari ɓɔɔgn daa tusu zang vuu kati.

Maraku 6:6 ပူးပေါင်းရင်းမြစ်များ

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 8:10

Ɓɔɔ Yeesɔ tãa yee ɓɔɔ yɔɔ rang naa weɓe, mã naa ka danggn. A kɔɔ zang dɔɔli ɓɔɔ ri dũuru wu tɔɔ, “N kɔɔ nɔɔ ruu ɓɔɔ niizang kɔ nwani, n zi zang Isirela ɓɔɔ shing danggn ka bìí Kpanti Laa gngn naa zang zanti keɓe kpang.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 1:39

A rakɛ ka tipi Galili nandon, rang zang yee Laa ka gãa zɔɔ kpalɛnang zang Yahudi, a ti nwàngsɛ̀ zang dɔɔli suru shi kpang.

Maraku 10:1

A Yeesɔ seepaa nɛɛ nɔng kaɓa, daa ka tipi Yahudi, a ta rang Urudung. A zang dɔɔli ri kpalɛ zɔɔ kaa tɔkn ka bii ɓiɓɛ, a tusu ri vuu kaa naa ɓasidi ɓɛɛ.

Luka 13:22

A Yeesɔ rang zang yee Laa ka gari bang bang nɛɛ jaa gari ɓɔɔ zang rooro ka gbalang, ka ɓɔɔ wu daa Urushalima ɓɛɛ.

Luka 4:31

Yeesɔ seepaa daa ka gari Kafanahu ɓɔɔ ka tipi Galili ɓɛɛ. Nwáng tɔ ka nɔngkɔ, a naa daa ka gãa zɔɔ kpalɛnang zang Yahudi ka Diki Ɔ̃sɔnang ɓarɛ, daa tusu ri vuu.

Luka 4:44

A seepaa daayi daa rangkɛ zang yee Laa ka gãa zɔɔ kpalɛnang zang Yahudi ɓɔɔ ka tipi Yahudi ɓɛɛ nandon.

Yɔhana 9:30

Yɔɔ kasɛ nyaa, “Wee vuu ɓɔɔ zang mã naa ka danggn ɓɛɛ. Yɔɔ kaɓa masɛ jĩng mɛɛ. Nɔɔ kɔɔ biya nɛɛ nɔɔ zi nɔng ɓɔɔ wu a nɛɛ mani kpang viya?

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.