Maraku 6:12 - Nyaa Shɔɔ Ɓɔɔ Laa a Ɓɛɛ

¹² A ri daa rang zang yee Laa kati. Ri kɔɔ zang tɔ́ɔ, zang ri yaa vuu shi kpang ɓarɛ ta, ri kɔ̃sɔ yeti ɓarɛ.

Maraku 6:12 ပူးပေါင်းရင်းမြစ်များ

Matiyu 11:1

Yeesɔ hangsɛ zang kopi tu ziti ɓɔɔ ri mantɛ vuu ka bii ɓiɓɛ yee rannang tɔ, a seepaa nɛɛ nɔng kaɓa, a daa ka rɛɛ gari ɓɔɔ ka tipi Galili. Tusu zang vuu a ti rang zang yee Laa.

Matiyu 11:20

A Yeesɔ gaa tɔɔsung zang gari ɓɔɔ wu palɛ shonang ɓɔɔ zang mã naa ka danggn dɔɔli mangkɛnang kati, ka ruu ɓɔɔ, ri kɔ̃sɔ yeti, ri yaa vuu shi kpang ɓarɛ kpang ɓɛɛ.

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ.

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Matiyu 9:13

Nɔɔ kãa dĩiri yèé Laa ɓɔɔ kɔɔyi tɔɔ, ‘N kasɛ m ruu vuu vaa ɓɔɔ zang dɔɔ m kpang, n kasɛ nɛɛ gn zɔɔ wu kɔng nɔɔ katɔ kɔ jong.’ N arɛ, nɛɛ n naa ɓaa nyaa ka zang tɔ̃ɔ nɛɛ ri kɔ̃sɔ yeti ɓarɛ kpang. N arɛ nɛɛ n naa ɓaa nyaa m ka zang ɓɔɔ ri palɛ vuu shi kpang ɓɛɛ.”

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 1:3

“Zang ɓɔɔ kagn, rang yee Laa ka yeti waala tɔɔ. ‘Kpanti a kaa tɔ, nɔɔ palɛ wu gbalang ta. Nɔɔ shiiri wu katɔ ɓororo.’ ”

Luka 11:32

Zang gari Ninivi naa seepaa ditɔ, ri dɔng zang koo jaa knti keɓe ruu, ka diki ɓɔɔ Laa naa jɛ̃ɛ zang ruu ɓɛɛ. Ka ruu ɓɔɔ, ri yaa vuu shi kpang ɓarɛ, ri kɔ̃sɔ yeti, ka diki ɓɔɔ Yunana rang ri Ruu Laa ɓɛɛ. N kɔ̀ɔ́ nɔɔ, zang ɓɔɔ ɓa Yunana bannang katɔ kagn nihn.

Luka 13:3

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang, nɔɔ naa vɔ̀lɔ́ doo nɔngkɔ nandon.

Luka 13:5

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang nɔɔ naa vɔlɔ doo nɔngkɔ nandon.”

Luka 15:10

A Yeesɔ naa hangsɛ nyaa kaa tɔɔ, ‘Zang nyaa shonang Laa ɓɔɔ ri ka lapa, ri tãa tĩnang doo nɔngkɔ, ka ruu zang gbete ɓɔɔ palɛ vuu shi kpang, ɓɔɔ yaa vuu shi kpang ɓiɓɛ a kɔ̃sɔ yeti ɓiɓɛ ɓɛɛ.’ ”

Luka 15:7

A Yeesɔ hangsɛ nyaa tɔɔ, ‘Zang Laa ɓɔɔ ka lapa tã̀á tĩnang doo nɔngkɔ, ka ruu zang gbete ɓɔɔ palɛ vuu shi kpang ɓɔɔ yaa vuu shi kpang ɓiɓɛ, a kɔ̃sɔ yeti ɓiɓɛ ɓɛɛ. Tĩnang tãanang kaɓa, ɓa ɓɔɔ zang tãa ka ruu zang laa dɛ̃ɛti tu kopi tu mandɛ̃ɛti ɓɔɔ ri tɔɔ ri palɛ vuu shi kpang ɓarɛ kpang ɓɛɛ katɔ.’

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 9:6

A ri seepaa, ri daarɛ ka rɛɛ gari tɔkɔlɔng, tɔkɔlɔng nandon. Ri rangkɛ zang yee Laa, a ri ti masɛ zang kɔnang ka nɔng ɓɔɔ ri daarɛ ɓɛɛ nandon.

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.