Maraku 6:11 - Nyaa Shɔɔ Ɓɔɔ Laa a Ɓɛɛ

¹¹ Nɔng piti ɓɔɔ zang nɛɛ ta nɔɔ kagn kpang, a ri ti kasɛ nɛɛ ri ɓaa shoo ka nyaa manɛ kpang. Nɔɔ nɛɛ yaa nɔng kaɓa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, zang zi kati nɛɛ ruu manɛ hãa ɓi tɔ̀ɔ́gn kpang, ɓi kaa ruu ɓarɛ.”

Maraku 6:11 ပူးပေါင်းရင်းမြစ်များ

Matiyu 12:36

N kɔɔ nɔɔ, ka diki ɓɔɔ Laa naa jɛ̃ɛ zang ruu, naa jɛ̃ɛ zang ruu ɓi doo ka ruu yee shi kpang ɓɔɔ ri rangkɛ kɛɛm kɛɛm ɓɛɛ kɔ.

Maraku 6:10

A ti kɔɔ ri tɔɔ, “Gãa ɓɔɔ nɔɔ nɛɛ daa kagn piti, nɔ́ɔ nwang ka nɔngkɔ, diki ɓɔɔ nɔɔ seepaa nɛɛ nɔng kaɓa wu a nɛɛ mani.

Luka 9:5

Nɔng ɓɔɔ zang nɛɛ ta nɔɔ kpang, nɔɔ nɛɛ daa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, wu nwang vuu ɓɔɔ zang zi kagn nɛɛ ruu manɛ hãa ɓi tɔɔgn nɛɛ ri kpang ɓɛɛ. Nɛɛ Laa naa jee ri ruu ditɔ.”

Zang Shonang Yeesɔ 18:6

Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

Rooma 2:5

Wee nɔɔ kpãa nyaa nɔngkɔ, a nɔɔ ti kɔ̃sɔ yeti manɛ kpang, nɔɔ kpàlɛ́ yuu manɛ ɓi gnvɔ Laa. Nɔɔ shingnɛ, jĩng ɓɔɔ Laa naa dang nɔɔ, wu bangnɛ ka diki ɓɔɔ gnvɔ ɓiɓɛ, nɛɛ ruu tɔ̃ɔ ɓɔɔ wu jɛ̃ɛ zang ɓɛɛ, naa nwangsɛ bii kagn ɓɛɛ.

2 Bituru 2:6

Ɓɔɔ rɛɛ gari Sɔɔdom nɛɛ Gomora dòo nɔngkɔ, Laa ti dɔng zang ɓɔɔ ri nwalɛ kagn ruu. A dɔɔ rɛɛ gari ziti keɓe dɔ̃ɔ gbete nɛɛ waa, yaa pũngku ɓarɛ kɔ shɛ̃ɛning ka tipi. Wee tusu zang nɛɛ zang ri zi naa ɓɔɔ wu dang zang ɓɔɔ ri naa dũ̀ng nyaa ɓiɓɛ kpang jĩng ɓɛɛ.

2 Bituru 2:9

Ruu Nuhu nɛɛ Lootu tusu ruu nɛɛ Laa zi gbalang ɓɔɔ wu naa ta yuu zang ɓiɓɛ nɛɛ mani tɔ, nɛɛ naa vuu ɓɔɔ gãsɛ ri ɓɛɛ. Vuu keɓe kɔ, ti tusu nɛɛ Laa zi gbalang ɓɔɔ wu naa dang zang ɓɔɔ ri palɛ vuu shi kpang jĩng tɔ, diki ɓɔɔ wu naa jɛ̃ɛ zang ruu kagn, wu a nɛɛ mani.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

1 Yɔhana 4:17

Ruu nɛɛ nwàng naa weɓe, rúu zang kasɛnang Laa kagn yeti ɓuru niizang. Ka ruu nɔngkɔ, rùu naa kaa vɔrɔ ka diki ɓɔɔ Laa naa jɛ̃ɛ zang koo keɓe ruu ɓɛɛ kpang. Ka ruu ɓɔɔ, nwannang ɓuru ka koo keɓe nwàng naa nwannang Kirisi.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.