Maraku 5:30 - Nyaa Shɔɔ Ɓɔɔ Laa a Ɓɛɛ

³⁰ Yeesɔ tantɛ zinang nɛɛ, naa zang masɛnang ɓɔɔ Laa a wu, masɛ zang ɓɔɔ tɔ. A raa jĩng hɛ̃ɛ zang ɓɔɔ ri dũng wu ɓɛɛ tɔɔ, “Ɓu wi, lee naa ka fɔ̃ɔrɔ mɛɛ wiya?”

Maraku 5:30 ပူးပေါင်းရင်းမြစ်များ

Maraku 5:31

A zang ɓɔɔ ri mantɛ vuu ka bii ɓiɓɛ hɛ̃ɛ wu tɔɔ, “Mɔɔ zi tɔ nɛɛ zang dɔɔli ri kpalɛ mɔɔ bii, a mɔɔ ti hɛ̃ɛ doo nɛɛ mani Ɓu wi lee m naa ka bii wiya?”

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Luka 6:19

Zang ɓɔɔ ri kpalɛ zɔɔ ɓɛɛ ri kasɛ nɛɛ ri lee Yeesɔ naa ka bii, ka ruu ɓɔɔ, naa zang masɛnang nwangkɛ nɛɛ bii ɓiɓɛ, masɛ zang ɓɛɛ.

Luka 8:46

Yeesɔ ti kɔɔ tɔkn tɔɔ, “Zang ɓɔɔ lee m naa kagn bii, ka ruu ɓɔɔ, n zi naa zang masɛnang ɓɔɔ Laa a m nwang tɔ nɛɛ bii mɛɛ ɓɛɛ.”

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.