Maraku 4:37 - Nyaa Shɔɔ Ɓɔɔ Laa a Ɓɛɛ

³⁷ A jasung seepaa rannang kati. Jasung ti vãlɛ mii kana yeti tonsi, tonsi nɛɛ wu ɔ̃ɔ kaa tɔ.

Maraku 4:37 ပူးပေါင်းရင်းမြစ်များ

Maraku 4:36

Ri yaa zang ɓɔɔ ri kpalɛ zɔɔ kati, a ri vang tonsi ɓɔɔ Yeesɔ nwang kagn, ri daa nɛɛ wu. Tonsi ɓɔɔ kagn nɔngkɔ.

Maraku 4:38

Yeesɔ roo ɓi katɔ ka knti tonsi. Shing yuu ɓiɓɛ ka laa yuu pãnnang. A ri hingsi wu, ri hɛ̃ɛ wu tɔɔ, “Maalang ruu ɔ̃ɔ kana ruu ɓaaɓɛ hãa ɓi kagn kpang ya?”

Zang Shonang Yeesɔ 27:41

Laana vang ka yuu seseele a shiiyi. Ting laana bii tìi ka seseele, daa takpang. Jasung ɓɔɔ rãa ɓɛɛ, ti sãlɛ knti laana ɓi kana.

2 Koranti 11:25

Zang Rooma ri nyɔ m tɔ nɛɛ gbãa doo taati. Zang ti luku m nɛɛ tari doo gbete. Laana ɔ̃ɔ tɔ nɛɛ ruu doo taati. Diki ɓɔɔgn ɓɔɔ laana ɔ̃ɔyi, ruu yi naa laa ka mii, mii tuu ruu daa nɛɛ ruu, nɔng laagɛ̃ gbete nɛɛ nɔng zĩi gbete.