Maraku 4:15 - Nyaa Shɔɔ Ɓɔɔ Laa a Ɓɛɛ

¹⁵ Zang ɓɔɔ ri nwang naa jĩng vuu ɓɔɔ shili ka gbalang ɓɛɛ. Ri tãa Ruu Laa, a sheetang arɛ naa ta Ruu Laa ɓɔɔ ri tãa ɓɛɛ tantɛnang.

Maraku 4:15 ပူးပေါင်းရင်းမြစ်များ

Matiyu 13:19

Jĩng vuu ɓɔɔ shili ka gbalang, nwang ɓi kaa naa shɔnzang ɓɔɔ tãa ruu Kpanti roonang Laa, a zi tɔ̃ɔ tɔ̃ɔ kpang, Sheetang arɛ naa ta vuu ɓɔɔ wu tãa ɓɛɛ.

Matiyu 22:5

“A zang ɓɔɔ kpanti gaarɛ kaɓa, ri yee laa ɓarɛ kagn kpang. A ri daarɛ ɓarɛ ri. Zang gbete daa ka jaa ɓiɓɛ, a ɓɔɔ gbete daa ka nɔng vuu ɓiɓɛ malɛnang.

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Maraku 4:14

Zang ɓɔɔ vang jĩng vuu kaɓa, rang ɓi Ruu Laa.

Maraku 4:16

Zang ɓɔɔ ri ti nwang ɓarɛ naa jĩng vuu ɓɔɔ shili ka yuu pɛngkɛ ɓɛɛ. Ri tãa Ruu Laa, a ri ta tantɛnang nɛɛ yeti gbete.

Maraku 4:4

Vang jĩng vuu kana, a jĩng vuu ɓɔɔ ri shili ka gbalang, a jaaning ri ti arɛ ri naa yakɛ.

Luka 8:12

Jĩng vuu ɓɔɔ shili ka gbalang nwang ɓi kaa naa zang ɓɔɔ ri tãa ruu Kpanti Laa a Sheetang kpanti suru shi kpang, arɛ naa zɔ̃ng Ruu Laa ɓɔɔ ri tãa ɓɛɛ, nɛɛ ka ruu ɓɔɔ ri nɛɛ shing danggn ka bii Laa, ri walɛ suru bii ɓɔɔ waa nyaa kpang ɓɛɛ.

Zang Shonang Yeesɔ 17:32

Ɓɔɔ ri tãayi Bulu kɔɔ ruu ka yuu paa yunang nɛɛ saa, zang ɓɔɔ ri kpaa wu, a zang ɓɔɔ ri kɔɔ wu nɛɛ “Ruu kasɛ nɛɛ ruu tãa ruu ka yuu vuu keɓe tɔkn.”

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

2 Koranti 2:11

Tɔ̀ɔ, wu zãa Sheetang gbalang ɓɔɔ wu vang ruu ka yuu ɓɛɛ. Ka ruu ɓɔɔ, ruu zi vuu ɓɔɔ wu mang ɓi tɔ ɓɛɛ.

2 Tesalonika 2:9

Yɔɔ ɓɔɔ dũng nyaa dannang ɓi kpang keɓe, naa a nɛɛ naa vuu palɛnang Sheetang wu pálɛ́ vuu ɓɔɔ zang zirɛ zang mã naa ka danggn ɓɔɔ sèé ka zɔ̃ng zɔ̃ng ɓɛɛ.

Yahudi 12:16

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ nwáng zang dũndũng, kɔ wu nwang zang ɓɔɔ yee laa ka vuu Laa kpang naa Isuwa, ɓɔɔ ka ruu vuu shaanang laa gbete, mã̀lɛ̀ bannang ɓiɓɛ, ɓɔɔ wukɔ zang bang, ka naa jaa nàá ɓiɓɛ.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 20:10

A kpanti suru shi kpang ɓɔɔ nwãarɛ ri ɓɛɛ, zang tasɛ wu ka too waa kaɓa ɓɔɔ tari ɓɔɔ shaa waa katɔ kagn ɓɛɛ. Nɔng ɓɔɔ bɛ̀ɛ́ zang tásɛ́ rɛɛ yɔpɔ jĩngti kagn, nɛɛ zang ɓɔɔ suu sèé nɛɛ wu zang nyaa shonang Laa ɓɛɛ. Ri nwang ka nɔngkɔ, ri dang jĩng nɛɛ zĩi nɛɛ laagɛ̃ gbinggbing.

Vuu ɓɔɔ zang nwangsɛ Yɔhana 20:7

Saa labang gbete nɛɛ ɓa tɔ, zang naa yaa Sheetang naa nɛɛ sãa ɓɔɔ zang mã wu kagn ɓɛɛ.