Maraku 4:11 - Nyaa Shɔɔ Ɓɔɔ Laa a Ɓɛɛ

¹¹ Yeesɔ kɔɔ ri tɔɔ, “Laa a nɔɔ kɔ naa zinang ruu ɓɔɔ zang waasɛ katɔ ka yuu kpanti ɓɔɔ Laa rooyi ɓɛɛ, a vuu piti, zang tusu zang ɓɔɔ ri dũng Laa kpang ɓarɛ nɛɛ nyaa vuu jeenang.

Maraku 4:11 ပူးပေါင်းရင်းမြစ်များ

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 13:16

“A tĩnang tãanang ɓi ɓɔɔ manɛ kɔ. Ka ruu ɓɔɔ, jĩng manɛ zi vuu katɔ ɓɛɛ. Shoo manɛ ti tãa nɔng katɔ ɓɛɛ.

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Maraku 3:23

A Yeesɔ ɓaa ri nyaa, kɔɔ ri ruu kaa nɛɛ nyaa vuu jeenang tɔɔ, “Sheetang nwangsɛ sheetang ɓi biya?”

Maraku 4:10

Ɓɔɔ Yeesɔ kaa bm, zang ɓɔɔ ri mantɛ vuu ka bii ɓiɓɛ nɛɛ, zang ɓɔɔ ri tãa vuu ɓɔɔ wu kɔɔyi, ri hɛ̃ɛ wu dĩiri ruu ɓɔɔ wu kɔɔrɔ ri nɛɛ nyaa vuu jeenang ɓɛɛ kati.

Maraku 4:2

A tusu ri vuu dɔɔli nɛɛ nyaa vuu jeenang tɔɔ nɛɛ,

Luka 8:10

A Yeesɔ kɔɔ ri tɔɔ, “Ruu ɓɔɔ zang waasɛ katɔ ka yuu Kpanti ɓɔɔ Laa rooyi, Laa a nɔkɔ naa zinang. A ɓɔɔ zang ɓɔɔgn, n rang ri yee ɓi nɛɛ nyaa vuu jeenang, ka ruu ɓɔɔ ri shu jĩng nɛɛ ri pɛ̃ɛrɛ vuu, ri zi kpang ɓɛɛ. Ri ɓaa shoo nɛɛ ri tãayi, ri ti zi vuu ɓɔɔ kagn kpang ɓɛɛ.”

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

1 Tesalonika 4:12

Ka naa weɓe kɔ, nɔɔ shing zang ɓɔɔ ri shing danggn gn kpang, ri seng nɔɔ. Nɔ̀ɔ ti shing jĩng tɔ̀ɔ́ ka bii zang ɓɔɔ, ka ruu vuu ɓɔɔ nɔɔ kasɛ ɓɛɛ kpang.

1 Timoti 3:7

Wu ti nwang zang ɓɔɔ, zang ɓɔɔ ri dũ̀ng Laa kpang, ri seng wu katɔ ɓɛɛ. Ka ruu ɓɔɔ nɛ̀ɛ́ nwáng vuu dãanang ka nɔng zang, nɛ̀ɛ́ ti watɛ ka yeti jàng ɓɔɔ shɛ̃ɛtang làng ɓɛɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.