Maraku 3:7 - Nyaa Shɔɔ Ɓɔɔ Laa a Ɓɛɛ

⁷ A Yeesɔ naa daa kaa nɛɛ zang ɓɔɔ ri mantɛ vuu ka bii ɓiɓɛ ka nyaa mii waapo. Zang dɔɔli ri dũng wu nɛɛ tipi Galili a ɓɔɔ nɛɛ tipi Yahudi

Maraku 3:7 ပူးပေါင်းရင်းမြစ်များ

Matiyu 10:23

Zang nɛɛ dang nɔɔ jĩng kana ka gari gbete, nɔɔ yurɛ nɔ́ɔ daa ka gari ɓɔɔgn. N kɔɔ nɔɔ ruu ɓɔɔ niizang kɔ nwani Jaa Shɔnzang naa arɛ, bɛ̀ɛ́ nɔɔ hangsɛ nyaa shonang manɛ palɛnang gn gari zang Isirela nandon kpang.

Matiyu 12:15

Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 12:16

A shaarɛ ri nyaa nɛɛ, ri daa kɔɔ zang nɛɛ wukɔ Jaa Laa kpang.

Matiyu 4:25

Zang dɔɔli ri a ka bii Yeesɔ nɛɛ Galili, nɛɛ Dekapoli, nɛɛ Urushalima, nɛɛ Yahudi, a ri dũuru Yeesɔ ka knti nɛɛ zang nyaa rang Urudung ɓɔɔ dang ɓɛɛ nandon.

Maraku 1:39

A rakɛ ka tipi Galili nandon, rang zang yee Laa ka gãa zɔɔ kpalɛnang zang Yahudi, a ti nwàngsɛ̀ zang dɔɔli suru shi kpang.

Maraku 1:45

Yɔɔ ɓɔɔ vuu bii shaa kaɓa, daayi daa kɔ̀ɔrɔ̀ zang vuu ɓɔɔ Yeesɔ pàlɛ̀ wu ɓi doo nɛɛ mani. Ka ruu nɔngkɔ, Yeesɔ walɛ gbalang ɓɔɔ wu nwang bii ka dalɛ, wu daa gari ɓɔɔgn takpang. Nwalɛ kaa nɔng ɓɔɔ zang kagn kpang ɓɛɛ. Zang ti daa bii Yeesɔ ɓi doo nɛɛ mani, nɛɛ nɔng piti, piti.

Maraku 3:20

Yeesɔ naa daa tɔ yeti gãa, a zang dɔɔli ri ti kpalɛ zɔɔ tɔkn ka bii ɓiɓɛ. Walɛ gbalang ɓɔɔ wu shaa vuu nɛɛ zang ɓɔɔ ri mantɛ vuu ka bii ɓiɓɛ takpang.

Maraku 4:1

Diki nɛɛ tɔɔ bee tɔkɔlɔng, Yeesɔ naa gaa tɔɔsung vuu tusunang kaa tɔkn, ka nyaa mii waapo Galili. Zang ɓɔɔ ri kpalɛ zɔɔ ka bii ɓiɓɛ ri dɔɔli, ka ruu nɔngkɔ, Yeesɔ vang tonsi daa nwang kagn yuu mii. Zang ɓɔɔ ri kpalɛ zɔɔ nandon ri ti shiiri ɓarɛ ka nyaa dang gãnggãng.

Luka 23:5

A ri yì wu tĩng ka bii nɛɛ, “Yɔɔ keɓe palɛ zang nɛɛ zang ri haa nyaa nɛɛ vuu ɓɔɔ wu tusu zang ɓɛɛ ka tipi Yahudi. Gaayu ka tipi Galili sasak, a nɔng ka nihn.”

Luka 6:12

Ka diki kaɓa, Yeesɔ naa daa Laa gaanang ka kɔpɔ. Yeesɔ gàa Laa nɛɛ zĩi sasak, nɔng gãntɛ nɛɛ mani.

Luka 6:17

Yeesɔ shooro tɔ nɛɛ kɔpɔ nɛɛ zang ɓɔɔ wu shɛ̃ɛrɛ ri, a daa shii ka nyɛlɛ. Zang ɓɔɔ ri mantɛ vuu ka bii ɓiɓɛ dɔɔli, nɛɛ zang dɔɔli ɓɔɔ ri alɛ nɛɛ tipi Yahudi, nɛɛ gari Urushalima, a ɓɔɔ zang ɓɔɔ ri alɛ nɛɛ gari Taya nɛɛ Sidong ɓɔɔ ka nyaa waapo ɓɛɛ. Ri arɛ nɛɛ ri naa tãa yee Laa ɓɔɔ wu rangnɛ, nɛɛ wu ti màsɛ̀ ri kɔnang ɓarɛ.

Yɔhana 7:41

Zang ɓɔɔ ri kɔɔyi nɛɛ, “Wukɔ Kirisi bìí.” A zang ɓɔɔ ri kɔɔ ɓarɛ nɛɛ, “Kirisi naa a nɛɛ Galili ya?

Yɔhana 7:52

Ri kasɛ wu nyaa nɛɛ, “Mɔɔ doo zang Galili kɔ waa? Kãa yeti Labeenang Laa karɛ, mɔɔ ĩi kagn zang kɔɔyi nɛɛ zang nyaa shonang Laa naa nwáng nyaa nɛɛ Galili kpang.”

Zang Shonang Yeesɔ 17:10

Ɓɔɔ nɔng tɔ̀ɔ hn, zang ɓɔɔ ri dũng Laa, ri tantɛ Bulu nɛɛ Siila shinnang nɛɛ ri dita gari Beriya. Ɓɔɔ ri shɛ̃ɛ nɔng, ri daa ka nɔng zɔɔ kpalɛnang zang Yahudi.

Zang Shonang Yeesɔ 17:14

Zang ɓɔɔ ri dũng Laa, ri tantɛ Bulu dɔ̃nang nɛɛ wu daa ka nyaa waapo. A zang yaa Siila nɛɛ Timoti ɓarɛ kaa Beriya ka nɔngkɔ.