Maraku 3:5 - Nyaa Shɔɔ Ɓɔɔ Laa a Ɓɛɛ

⁵ Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.

Maraku 3:5 ပူးပေါင်းရင်းမြစ်များ

Matiyu 12:13

A Yeesɔ kɔɔ zang ɓɔɔ náa ɓakɛ katɔ tɔɔ, “Dĩi náa ɓaaɓɛ ta.” A dĩi náa ɓiɓɛ, a náa ɓiɓɛ nwang tɔ̃ɔ kaa tɔkn naa ɓɔɔ dang gbete.

Maraku 3:4

A Yeesɔ hɛ̃ɛ ri tɔɔ, “Labeenang Laa ɓɔɔ Musa beeyi kasɛ katɔ, nɛɛ ruu palɛ tɔ̃ɔ ka Diki Ɔ̃sɔnang ya, kɔ nɛɛ ruu palɛ vuu shi kpang? Nɛɛ ruu ta yuu zang ya, kɔ nɛɛ ruu nyɔ zang vɔrɔ katɔ kɔ jong?” Ri ãa nyaa kpang.

Luka 13:15

A Kpanti Yeesɔ kɔɔ wu tɔɔ, “Zang ɓɔɔ ri nwãarɛ zang nɛɛ vuu palɛnang ɓɛɛ, zang ɓɔɔ kagn teteng manɛ gbete kãlɛ napo, kɔ seesaa ɓiɓɛ nɛɛ vàa, daa a wu mii ka Diki Ɔ̃sɔnang kpang ɓu wiya?

Luka 17:14

Yeesɔ zi ri, a kɔɔ ri tɔɔ, “Nɔɔ dita, nɔɔ daa tùsù zang ɓɔɔ ri dɔɔ vuu ka Gãa Laa, bii manɛ.” Vuu bii ɓɔɔ shaa ri, yàa ri bii kaa gbalang ɓɔɔ ri daa ɓɛɛ.

Luka 6:10

A Yeesɔ pɛ̃ɛrɛ zang ɓɔɔ ri kiiri wu nyaa ka teteng ɓɛɛ nandon, a kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa, a naa ɓiɓɛ nwang tɔ̃ɔ kaa nɔng tɔkn.

Yɔhana 9:7

A kɔɔ wu nɛɛ, “Dita, mɔɔ daa sɔɔ jĩng ka too mii ɓɔɔ zang ɓaa nɛɛ Siluwa ɓɛɛ.” (Dĩiri nung keɓe ɓi, “Zang shongnɛ”.) A yɔɔ daayi, daa sɔɔ jĩng, a gbãayu, jĩng ɓiɓɛ zi nɔng kana.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

2 Koranti 3:14

Niizang, yeti ɓarɛ kpãa nyaa vuu zinang katɔ. Vuu ɓɔɔ yirɛ, a nɛɛ mani lɛɛkɔ, zang zùu yeti ɓarɛ doo nɛɛ sɛ̃ɛ fɔ̃ɔrɔ ɓɔɔ Musa zúu yuu ɓiɓɛ nɛɛ mani ɓɛɛ. Ri nɛɛ gã labeenang ɓɔɔ nyaa dannang ɓɔɔ gbaala kagn, ri zi vuu ɓɔɔ kagn ɓɛɛ kpang. Zang nɛɛ raa zang ɓɔɔ dũng kaa Laa tɔ, tɔ̀ɔ, Kirisi wu puu zang sɛ̃ɛ fɔ̃ɔrɔ ɓɔɔ zuu zang jĩng kaɓa kati.

Afisa 4:18

Zang ɓɔɔ yeti ɓarɛ tɔ̀ɔ katɔ ɓɛɛ. Zang basɛ ri ɓarɛ tɔ, nɛɛ suru bii ɓɔɔ Laa a zang ɓɛɛ. Yeti ɓarɛ zi vuu gn kpang, ka ruu ɓɔɔ, ri taarɛ yuu dɔɔli ɓɛɛ.

Afisa 4:26

Yeti ɓaaɓɛ nɛɛ lasɛ tɔ, mɔɔ yaayi wu shing mɔɔ, mɔɔ palɛ vuu shi kpang, kpang. Mɔɔ ti nwang nɛɛ yeti ɓɔɔ lasɛ mɔɔ keɓe, laa wu hãa nyaa nɛɛ mani kpang.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

Yahudi 3:10

Ka ruu nɔngkɔ, yeti mɛɛ lasɛ nɛɛ zɔ̃ng zang kaɓa. A n kɔɔyi nɛɛ, ‘Zang keɓe ri ɓaa shoo ka yee mɛɛ kpang diki diki. A ri dũng nyaa mɛɛ ɓɔɔ n dang ɓɛɛ kpang.’

Yahudi 3:17

A gnvɔ shàa Laa nɛɛ rɛɛ wi, saa laa ziti wiya? Ɓi doo zang kaɓa ɓɔɔ ri palɛ vuu shi kpang, ri vɔlɔ ka jĩngti ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Vuu ɓɔɔ zang nwangsɛ Yɔhana 6:16

Ri ɓaa rɛɛ kɔpɔ nyaa nɛɛ tari bang nɛɛ, “Nɔɔ watɛ ta ka yuu ɓuru, nɔɔ waasɛ ruu, tɔ̀ɔ, zang ɓɔɔ nwang ka laa nwannang kpanti kaɓa, wu zi ruu kaa takpang, Ruu ti wɔrɛ, Jaa Mɛ̀ɛrɛ́ Laa wu dang ruu jĩng kaa takpang.