Maraku 3:10 - Nyaa Shɔɔ Ɓɔɔ Laa a Ɓɛɛ

¹⁰ Yeesɔ masɛ zang tɔ dɔɔli, ka ruu nɔngkɔ, zang ɓɔɔ kɔnang ka bii ɓarɛ ning, ri béng zang nɛɛ tɔ̀ɔ, ri daa lee Yeesɔ naa ka bii.

Maraku 3:10 ပူးပေါင်းရင်းမြစ်များ

Matiyu 12:15

Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 14:14

Yeesɔ shɛ̃ɛ nyaa dang gãnggãng tɔ, a zi zang dɔɔli ɓɔɔ ri kpalɛ zɔɔ, ri kɔng wu gn, a masɛ zang ɓɔɔ vuu palɛ katɔ, ka teteng ɓarɛ kati.

Matiyu 14:36

A ri gaa wu, nɛɛ wu yaa zang kɔnang jong, ri lee naa ka nyaa fɔ̃ɔrɔ ɓiɓɛ kɔ shɛ̃ɛning. Zang ɓɔɔ ri lee naa ka fɔ̃ɔrɔ ɓiɓɛ piti, kɔnang ɓarɛ yaa ri bii nandon.

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Maraku 5:34

A Yeesɔ kɔɔ wu tɔɔ, “Man jaa, danggn ɓɔɔ mɔɔ shing ka bii mɛɛ masɛ mɔɔ tɔ. Daa waasɛ̃, kɔnang ɓaaɓɛ wu waa nyaa ta.”

Maraku 6:56

Nɔng piti ɓɔɔ zang tãa nyaa nɛɛ Yeesɔ kagn, ka yeti gari ɓɔɔ bang nɛɛ ɓɔɔ tɔkɔlɔng, nɛɛ nɔng ɓɔɔ zang rooro gãa waati piti, zang ãatɛ zang kɔnang ka teteng gari, ri wɔɔrɔ ri ka nɔng ɓɔɔ zang kpalɛ zɔɔ kagn ɓɛɛ. Ri gaa wu nɛɛ wu yáa zang kɔnang jong, ri lee naa kaa nyaa fɔ̃ɔrɔ ɓiɓɛ. Zang ɓɔɔ ri lee naa ka nyaa fɔ̃ɔrɔ ɓiɓɛ, kɔnang ɓarɛ yàa ri nɔng.

Maraku 8:22

Ri naa a ka Bɛsɛda. Zang atɛ wu zang ɓɔɔ jĩng ringtang, a zang gaa wu, nɛɛ wu lee wu naa ka bii, tɔɔ wu masɛ wu kati.

Luka 5:3

A Yeesɔ shɛ̃ɛ ka yeti tonsi ɓɔɔ gbete. Tonsi ɓɔɔ wu shɛ̃ɛ ka yeti ɓiɓɛ kaɓa, ɓi ɓɔɔ Siman. A Yeesɔ kɔɔ Siman tɔɔ, wu dɔ̃ tonsi nɛɛ nyaa rang, wu daa nɛɛ mani ka yeti mii tɔkɔlɔng. A Yeesɔ nwang ka yeti tonsi, tusu zang ɓɔɔ ri kpalɛ zɔɔ vuu kana nɛɛ nɔngkɔ.

Luka 6:19

Zang ɓɔɔ ri kpalɛ zɔɔ ɓɛɛ ri kasɛ nɛɛ ri lee Yeesɔ naa ka bii, ka ruu ɓɔɔ, naa zang masɛnang nwangkɛ nɛɛ bii ɓiɓɛ, masɛ zang ɓɛɛ.

Luka 7:2

Yɔɔ zang bang sɔɔja Rooma ɓɔɔ kagn nɔngkɔ. Kɔnang yi zang shonang ɓiɓɛ ɓɔɔ wu kasɛ wu dɔɔli ɓɛɛ. Kɔnang ɓiɓɛ bang dɔɔli, nɛɛ wu vɔrɛ yaa kaa tɔkɔlɔng.

Luka 7:21

Ka laa kaɓa, Yeesɔ masɛ zang ɓɔɔ kɔnang ɓarɛ ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. A ti masɛ zang jĩng ringtang, ri zi nɔng kati.

Zang Shonang Yeesɔ 5:15

Ka ruu vuu ɓɔɔ rɛɛ zang shonang Yeesɔ ri pálɛ̀, zang dɔɔli ri ãatɛ zang kɔnang ɓarɛ ka nyaa gbalang, ri wɔɔ ri ka yuu latãng nɛɛ siri, ka ruu ɓɔɔ, Bituru nɛɛ tɛɛnang, jasuru ɓiɓɛ kɔ̀ wu ti a ka yuu ɓarɛ shɛ̃ɛning wu másɛ́ ri kati.

Yahudi 12:6

Ka ruu ɓɔɔ, Laa gɔ̃ zang ɓɔɔ wu kasɛ ri katɔ kɔ shoo ɓɛɛ. Wu ti dang zang piti ɓɔɔ wu tarɛ nɛɛ jaa ɓiɓɛ ɓɛɛ jĩng.”