Maraku 2:5 - Nyaa Shɔɔ Ɓɔɔ Laa a Ɓɛɛ

⁵ Yeesɔ zi naa ɓɔɔ zang dɛ̃ɛti kaɓa ri shing danggn ka bii ɓiɓɛ, a kɔɔ zang ɓɔɔ bii vɔ katɔ tɔɔ, “Man jaa, zang yaa mɔɔ gbalang vuu shi kpang ɓaaɓɛ tɔ.”

Maraku 2:5 ပူးပေါင်းရင်းမြစ်များ

Matiyu 9:2

A zang atɛ wu, zang ɓɔɔ bii ɓiɓɛ vɔ katɔ ɓɛɛ, zang ta ka laa. Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii ɓiɓɛ vɔ katɔ tɔɔ, “Jaa mɛɛ, mɔ́ɔ rɛ̃rɛ kpang. N yaa mɔɔ gbalang vuu shi kpang ɓaaɓɛ tɔ.”

Matiyu 9:22

A Yeesɔ raa jĩng kɔɔ wu tɔɔ, “Mɔ́ɔ yaa danggn naa kpang manjaa, danggn ɓɔɔ mɔɔ shing ka bii Kpanti Laa masɛ mɔɔ tɔ.” A kɔnang yaa jaa soro bii kaa tantɛnang ka làa kaɓa.

Matiyu 9:5

Ɓɔɔ kpãa kpang ka teteng yee keɓe kiya, ɓɔɔ zang kɔɔ nɛɛ, ‘Zang yaa mɔɔ gbalang vuu shi kpang ɓaaɓɛ tɔ.’ Nɛɛ ɓɔɔ zang kɔɔ nɛɛ, ‘Seepaa ta, mɔɔ rarɛ wiya’?

Maraku 2:6

Ka diki kaɓa, zang ɓɔɔ ri tusu zang labeenang, ri nwang kagn nɔngkɔ. Ri rɛ̃rɛ ka yeti ɓarɛ, a ri ti hɛ̃ɛ zɔɔ nɛɛ,

Maraku 5:34

A Yeesɔ kɔɔ wu tɔɔ, “Man jaa, danggn ɓɔɔ mɔɔ shing ka bii mɛɛ masɛ mɔɔ tɔ. Daa waasɛ̃, kɔnang ɓaaɓɛ wu waa nyaa ta.”

Luka 5:20

Ɓɔɔ Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii vɔ katɔ tɔɔ, “Masang, n yaa mɔɔ gbalang vuu shi kpang ɓaaɓɛ tɔ.”

Luka 8:48

A Yeesɔ kɔɔ jaa soro kaɓa tɔɔ, “Man jaa, danggn ɓɔɔ mɔɔ shing ka bii mɛɛ masɛ mɔɔ tɔ, daa waasɛ̃.”

Yɔhana 2:25

daa naa ɓɔɔ zang ɓɔɔgn kɔɔ wu ruu shɔnzang kpang ɓɛɛ. Ka ruu ɓɔɔ Yeesɔ nɛɛ yuu ɓiɓɛ zi vuu ɓɔɔ shɔnzang rɛ̃rɛ ka yeti ɓarɛ tɔ ɓɛɛ.

Yɔhana 5:14

Nɛɛ knti, Yeesɔ ĩi wu ka yeti Gãa Laa, a kɔɔ wu tɔɔ, “Zirɛ, kɔnang ɓaaɓɛ yàa mɔɔ nɔng tɔ, mɔɔ palɛ vuu shi kpang takpang. Ka ruu ɓɔɔ, vuu ɓɔɔ ɓa weɓe katɔ nɛɛ palɛ mɔɔ ɓɛɛ.”

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Zang Shonang Yeesɔ 14:9

Ɓaa shoo, tã̀á Ruu Laa ɓɔɔ Bulu kɔɔ ɓɛɛ. A Bulu shù wu jĩng ka bii, a zi danggn ɓɔɔ wu shing ɓɛɛ, daa naa ɓɔɔ zang masɛ wu tɔ.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

1 Koranti 11:30

Ka ruu vuu keɓe kɔ, zang dɔɔli ka teteng manɛ vuu palɛ ri katɔ. Nɔɔ ti lakɛ naa ka bii kpang. A zang ɓɔɔ ti vɔlɔ.

2 Koranti 2:10

Zang piti ɓɔɔ nɔɔ yaa wu gbalang vuu shi kpang ɓɔɔ wu palɛ ɓɛɛ, n yaa wu tɔ jong. Naa vuu ɓɔɔ kagn niizang, ɓɔɔ n nɛɛ yaa zang gbalang ɓiɓɛ katɔ ɓɛɛ, n yaa zang gbalang ɓiɓɛ tɔ ka tĩng Yeesɔ Kirisi ka ruu manɛ.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Kolosi 3:13

Nɔɔ mã gn nɛɛ zɔɔ. Zang ɓɔɔ nɛɛ lasɛ nɔɔ yeti, nɔɔ yàa zɔɔ gbalang katɔ. Nɔɔ yàa zɔɔ gbalang naa ɓɔɔ Laa yàa nɔɔ ɓɛɛ.

Yakubu 5:15

Naa zang gaa Laa, zang shing danggn kagn waasɛ̃, Laa gaanang keɓe shing kɔnang katɔ wu yaa zang nɔng. Laa wu ti a wu kaka bii. Naa palɛ doo vuu shi kpang, Laa yaa wu gbalang vuu shi kpang keɓe katɔ.