Maraku 2:25 - Nyaa Shɔɔ Ɓɔɔ Laa a Ɓɛɛ

²⁵ A Yeesɔ kasɛ ri nyaa tɔɔ “Nɔɔ gã vuu ɓɔɔ Dawuda pálɛ́ ka diki ɓɔɔ nyɔkɔ nyɔ ri dɔɔli nɛɛ zang ɓɔɔ ri dũng wu gngn kpang ya?

Maraku 2:25 ပူးပေါင်းရင်းမြစ်များ

Matiyu 19:4

Yeesɔ kasɛ ri nyaa tɔɔ, “Nɔɔ gã gngn nɛɛ Laa ɓɔɔ mã́a zang ka tĩng tɛ̃ɛ tɛ̃ɛ, mã́a ri, zang varɛ nɛɛ zang soro kpang ya?”

Matiyu 21:16

A ri hɛ̃ɛ Yeesɔ tɔɔ, “Mɔɔ tãa vuu ɓɔɔ wujɛ keɓe, ri kɔɔ ɓu tɔ ya?” Yeesɔ kasɛ ri nyaa tɔɔ, “Nn, nɔɔ gã gngn ka yeti labeenang Laa kpang ya? Zang beeyi nɛɛ, “ ‘Laa kpɛ̃ɛrɛ wujɛ seseere naa ɓɔɔ ri dɔɔ wu tɔ̃ɔ tɔ̃ɔ ɓɛɛ.’ ”

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Matiyu 22:31

Ka yuu ruu ɓɔɔ zang naa wisi zang paa nɛɛ saa ɓɛɛ, nɔɔ gã vuu ɓɔɔ Kpanti Laa kɔɔ nɔɔ ka yuu ɓiɓɛ, gngn kpang ya?

Matiyu 4:2

Yeesɔ seng nyaalaa tɔ ka waala diki laa ziti, a nyɔkɔ naa nyɔ wu kati.

Maraku 12:20

Zang varɛ ɓɔɔgn, nàá ɓarɛ yi ri manziti. Jamari shing soro, a vɔrɛ yaa soro, yi jaa nɛɛ wu kpang. A ɓeezung ɓɔɔ pãng ka dakn ɓiɓɛ, naa sɔɔrɔ soro ɓiɓɛ, a ti vɔrɛ, yi jaa nɛɛ wu kpang.

Maraku 12:26

“Ka ruu zang paa wisinang nɛɛ saa, nɔɔ gã gngn ka yeti labeenang Musa kpang ya? Ka nɔng ɓɔɔ zang bèe ruu waa ɓɔɔ shaa jaa laa ɓɛɛ. Zang bee ka nɔngkɔ nɛɛ, Laa kɔɔ Musa tɔɔ, wukɔ Laa Ibirayi, nɛɛ ɓɔɔ Ishaaku, nɛɛ ɓɔɔ Yakubu.

Maraku 2:24

A zang Farisi hɛ̃ɛ Yeesɔ tɔɔ, “Zirɛ zang ɓaaɓɛ ri palɛ shonang ka Diki Ɔ̃sɔnang ka ruu viya?”

Maraku 2:26

Naa ɓɔɔ daa ka Gãa Laa ka diki ɓɔɔ Abiyata kɔ kpanti zang ɓɔɔ ri dɔɔ vuu ka Gãa Laa, a daa tuu borodi ɓɔɔ zang dang nyaa nɛɛ zang ɓɔɔ ri dɔɔ vuu ka Gãa Laa kɔ ri shaa shɛ̃ɛning, a shaa nɛɛ zang ɓɔɔ ri nɛɛ wu kpang ya?”

Luka 10:26

A Yeesɔ kasɛ wu nyaa tɔɔ, “Labeenang Laa ɓɔɔ Musa beeyi, kɔɔ nɛɛ viya? Ɓɔɔ mɔɔ gãrɛ kɔɔ nɛɛ viya?”