Maraku 2:20 - Nyaa Shɔɔ Ɓɔɔ Laa a Ɓɛɛ

²⁰ Sinyɛ ɓeevɛ nɛɛ tɔ̀ɔ́ nɛɛ ri kpang, tɔɔ ri naa seng nyaalaa ka diki kaɓa kɔ.

Maraku 2:20 ပူးပေါင်းရင်းမြစ်များ

Matiyu 26:31

A Yeesɔ kɔɔ ri tɔɔ, “Lɛɛkɔ nɛɛ zĩi, nɔɔ naa yuku ditɔ nandon nɔɔ yaa m. Laa kɔɔ nɔngkɔ ka yeti labeenang ɓiɓɛ tɔɔ, “ ‘N nyɔ jagãng vɔrɔ ditɔ, tɔɔ mɛ̀ɛrɛ́ ri naa tantɛ kati.’

Matiyu 9:15

Yeesɔ kasɛ ri nyaa tɔɔ, “Sinyɛ ɓeevɛ ɓeesang ri seng nyaalaa ka diki ɓɔɔ, sinyɛ ɓeevɛ doo nɛɛ ri ɓɛɛ ya? Diki ɓɔɔ zang naa tuu sinyɛ ɓeevɛ kagn a doo naa, tɔɔ ri naa seng nyaalaa kati.

Maraku 2:19

A Yeesɔ kasɛ ri nyaa tɔɔ “sinyɛ ɓeevɛ ɓeesang, sèng nyaalaa ka diki ɓɔɔ sinyɛ ɓeevɛ doo nɛɛ ri kpang.

Maraku 2:21

“Zang lu fɔ̃ɔrɔ gbaala ɓi jong nɛɛ sɛ̃ɛ fɔ̃ɔrɔ ɓɔɔ shɔɔ kpang. Naa zang lurɛ, sɛ̃ɛ fɔ̃ɔrɔ shɔɔ naa gɔɔ katɔ lɔɔsɔ fɔ̃ɔrɔ gbaala kaɓa, yaa yeng kaa bang dɔɔli.

Luka 17:22

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Diki a doo naa, ɓɔɔ nɔɔ naa kasɛ kagn nɛɛ, nɔɔ zi diki gbete ka teteng diki ɓɔɔ n Jaa Shɔnzang n naa roo kpanti kagn ɓɛɛ. Nɔɔ naa zi kpang.

Luka 5:35

Diki ɓɔɔ zang naa tuu sinyɛ ɓeevɛ a doo naa, tɔ̀ɔ, ri naa seng nyaalaa kati.”

Yɔhana 12:8

Zang ɓɔɔ vuu ka naa ɓarɛ kpang, ri ɓarɛ kagn teteng manɛ diki diki. N naa nwáng m tɔ̀ɔ́ nɛɛ nɔɔ kpang.”

Yɔhana 13:33

Wujɛ mɛɛ, n nwang tɔ̀ɔ́ nɛɛ nɔɔ diki wu bee tɔkɔlɔng kpang. Nɔɔ naa kãa m ditɔ. N kɔ̀ɔ nɔɔ doo vuu ɓɔɔ n kɔ̀ɔ zang bang bang zang Yahudi ɓɛɛ kɔ, ‘Nɔng ɓɔɔ n daa ɓɛɛ, nɔɔ zunung daanang kpang.’

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Yɔhana 17:13

Kãntang keɓe, n gbãayu kaa tɔ ka bii ɓaaɓɛ. Wee n dòo ka koo nɛɛ ri ɓee, n kɔ̀ɔ́ vuu keɓe, tɔ̀ɔ, ri tãa tĩnang ɓɔɔ n tãa ɓɛɛ kaa jong. Tĩnang ɓarɛ wu ti nwang kaa nyaa kiiri.

Yɔhana 3:29

Sinyɛ ɓeevɛ ɓi wukɔ zang sinyɛ. Sinyɛ ɓeevɛ ɓeesang ɓɔɔ shiiyi, ɓaa shoo, tãa tĩnang dɔɔli nɛɛ tãa yee sinyɛ ɓeevɛ tɔ ɓɛɛ. N tãa tĩnang m doo nɔngkɔ. Tĩnang mɛɛ ti daa ɓi tɔ kiiri.”

Zang Shonang Yeesɔ 1:9

Kɔɔ ruu keɓe tɔ, a Laa tuu wu kati daa kaa nɛɛ wu ka lapa. Ri pɛ̃ɛrɛ wu nɛɛ jĩng. A sãmbong ɓɔɔ arɛ naa zuu wu, ri zi wu takpang.

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

Zang Shonang Yeesɔ 3:21

Yeesɔ keɓe nwang doo ka lapa ka gbongkarɛ diki ɓɔɔ Laa naa risi vuu piti, wu raa kaa naa ɓɔɔ tĩng shɔɔnang tɔkn, wu a nɛɛ mani. Diki ɓɔɔ Laa kɔɔ nɛɛ nyaa zang nyaa shonang ɓiɓɛ, ɓɔɔ ri pálɛ̀ vuu shi kpang ɓarɛ kpang, ɓɔɔ ri nwang doo ka tĩng tɛ̃ɛ tɛ̃ɛ ɓɛɛ.

1 Koranti 7:5

Ka ruu nɔngkɔ, nɔ́ɔ zãa zɔɔ bii manɛ kpang. Naa nɔɔ kasɛ katɔ, nɔɔ kà zɔɔ diki nɛɛ nɔɔ gaa Laa, tɔ̀ɔ nɔɔ zãa zɔɔ bii. Diki ɓɔɔ nɔɔ ka zɔɔ nɛɛ waa nyaa tɔ, nɔɔ ɓang bii nɛɛ zɔɔ. Ka ruu ɓɔɔ, Sheetang nɛɛ walɛ gbalang wu gãsɛ nɔɔ, wu shing nɔɔ, nɔɔ palɛ vuu shi kpang ɓɛɛ. Ka ruu ɓɔɔ, nɔɔ zunung ɓɔɔ nɔɔ yiti yuu manɛ kpang ɓɛɛ.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.

Vuu ɓɔɔ zang nwangsɛ Yɔhana 19:7

Ruu dɔ̀ɔ nɔɔ bii, ruu tãa tĩnang, ruu dɔɔ bannang ɓiɓɛ, ka ruu ɓɔɔ, laa ɓɔɔ Jaa Mɛ̀ɛrɛ́ gee soro ɓiɓɛ kagn a tɔ, a sinyɛ ɓiɓɛ ti kpalɛ bii tɔ ɓɛɛ.

Vuu ɓɔɔ zang nwangsɛ Yɔhana 21:9

A zang gbete, ka teteng zang nyaa shonang Laa ɓɔɔ ri ka lapa ɓɛɛ, ɓɔɔ ri manziti kaɓa, ɓɔɔ ri yiti waka ka naa manziti, ɓɔɔ kɔnang manziti kagn ɓɛɛ. Kɔnang diki ɓɔɔ koo naa waa nyaa kagn ɓɛɛ. A ka bii mɛɛ, a kɔɔ m nɛɛ “Arɛ, n tusu mɔɔ sinyɛ, jaa soro Jaa Mɛ̀ɛrɛ́.”