Maraku 2:2 - Nyaa Shɔɔ Ɓɔɔ Laa a Ɓɛɛ

² A zang kpalɛ zɔɔ gaagaa, nɔng yi nyaa kaa nɛɛ biling piti. A Yeesɔ rang ri yee Laa kati.

Maraku 2:2 ပူးပေါင်းရင်းမြစ်များ

Matiyu 5:2

A gaa ri yuu vuu tusunang kati, tɔɔ,

Maraku 1:14

Ka knti ɓɔɔ zang mã Yɔhana tɔ ka sãa, Yeesɔ naa a ka tipi Galili kɔɔrɔ zang Ruu Tɔ̃ɔ Kpanti Laa tɔɔ,

Maraku 1:33

Zang gari, ri kpalɛ zɔɔ ka nyaa gãa ɓɔɔ wu kagn ɓɛɛ dɔɔli.

Maraku 1:37

Ri daa ĩi wu tɔ, a ri kɔɔ wu tɔɔ, “Zang piti ri kãa mɔkɔ.”

Maraku 1:45

Yɔɔ ɓɔɔ vuu bii shaa kaɓa, daayi daa kɔ̀ɔrɔ̀ zang vuu ɓɔɔ Yeesɔ pàlɛ̀ wu ɓi doo nɛɛ mani. Ka ruu nɔngkɔ, Yeesɔ walɛ gbalang ɓɔɔ wu nwang bii ka dalɛ, wu daa gari ɓɔɔgn takpang. Nwalɛ kaa nɔng ɓɔɔ zang kagn kpang ɓɛɛ. Zang ti daa bii Yeesɔ ɓi doo nɛɛ mani, nɛɛ nɔng piti, piti.

Maraku 2:1

Diki nɛɛ tɔɔ wu bee tɔkɔlɔng, Yeesɔ naa gbãayu tɔkn ka Kafanahu, a zang tãa nyaa tɔɔ Yeesɔ a gãa tɔ.

Maraku 2:13

Yeesɔ ti naa paasɛ daanang tɔkn ka nyaa rang mii waapo. A zang dɔɔli ri a ka bii ɓiɓɛ, a tusu ri vuu kati.

Maraku 6:34

Yeesɔ nwang tɔ nɛɛ yeti tonsi, a zi zang ɓɔɔ ri kpalɛ zɔɔ gaagaa, a gn ɓarɛ kɔng wu, ka ruu ɓɔɔ, ri nwáng naa mɛ̀ɛrɛ́ ɓɔɔ jagãng kagn kpang ɓɛɛ. A Yeesɔ gaa ri yuu vuu tusunang kaa zɔ̃ng zɔ̃ng.

Luka 12:1

Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Luka 8:11

Yeesɔ kɔɔyi tɔɔ, “Dĩiri nyaa vuu jeenang keɓe. Jĩng vuu keɓe, ɓi ruu Kpanti Laa.

Zang Shonang Yeesɔ 11:19

Zang ɓɔɔ ri tántɛ́, ka ruu jĩng ɓɔɔ zang dang zang ka knti ɓɔɔ Istifanu vɔ tɔ ɓɛɛ, ri daarɛ beebang ka tipi Fonishiya nɛɛ tipi Kuburu, nɛɛ gari Antakiya. Ri kɔɔ zang ɓɔɔ Ruu Laa kpang, ri kɔ̀ɔrɔ́ zang Yahudi kɔ shɛ̃ɛning.

Zang Shonang Yeesɔ 14:25

Ri kɔɔ zang Ruu Laa ka gari Paaga, a ri tɛɛyi ri daa ka Ataliya.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 8:25

Bituru nɛɛ Yɔhana ri kɔɔrɔ vuu ɓɔɔ Laa palɛ, a ri ti rang zang Ruu Laa tɔ, ri gbãayu ri daa Urushalima kati. Ri kɔɔrɔ zang Ruu Laa ka rɛɛ gari Samariya ka gbalang ɓɔɔ ri daa ɓɛɛ.

Rooma 10:8

Vuu ɓɔɔ zang kɔɔ keɓe, “Ruu ɓɔɔ Laa kɔ̀ɔ ɓɛɛ, ɓi nɛɛ mɔɔ naabm, ka yeti nyaa ɓaaɓɛ, ti kagn ka yeti ɓaaɓɛ.” Ɓi ruu ɓɔɔ ruu kɔɔ nɔɔ, nɛɛ tɔ̀ɔ, nɔɔ shing danggn ɓɛɛ kɔ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.