Maraku 16:9 - Nyaa Shɔɔ Ɓɔɔ Laa a Ɓɛɛ

⁹ [Yeesɔ seepaa tɔ nɛɛ sàa, ka lee ɓɔɔ nɔng gãntɛ tɔ gbete ka knti Diki Ɔ̃sɔnang zang Yahudi, nɛɛ gãndi zang zang, a naa nwang nyaa ka bii Marayamu Magadaliya, ɓɔɔ wu nwangsɛ suru shi kpang ka bii ɓiɓɛ manziti ɓɛɛ, kɔ shɔɔnang.

Maraku 16:9 ပူးပေါင်းရင်းမြစ်များ

Matiyu 27:56

Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub nɛɛ Yusufu, a ɓɔɔ nàá rɛɛ wujɛ Zebedi ri kagn.

Maraku 15:40

Zang soro ɓɔɔ kagn, ri shiiri nɛɛ nɔng beebang, ri pɛ̃ɛrɛ vuu ɓɔɔ zang palɛ Yeesɔ ɓɛɛ. Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub ɓɔɔ wujaa nɛɛ Yose, a ɓɔɔ jaa soro ɓɔɔ zang ɓaa nɛɛ Salomi, ri kagn.

Maraku 15:47

Marayamu Magadaliya nɛɛ Marayamu nàá Yose, ri zi nɔng ɓɔɔ zang wɔɔ vɔrɔ Yeesɔ kagn ɓɛɛ kati.

Maraku 16:8

Vuu keɓe kpãa rɛɛ Marayamu ka yeti dɔɔli, bii ti zaa ri katɔ. A ri nwangkɛ, ri yuku, ri daayi. Ri ãa zang nyaa ka bii gbete kpang, ka ruu ɓɔɔ, ri kaa vɔrɔ ɓɛɛ.

Luka 24:10

Zang soro ɓɔɔ ri kɔɔ ri vuu keɓe, ɓi rɛɛ Marayamu Magadaliya nɛɛ Yuwana nɛɛ Marayamu nàá Yakub, nɛɛ rɛɛ zang soro nimbang ɓɔɔ nɛɛ ri ɓɛɛ.

Luka 8:2

A ɓɔɔ zang soro ɓɔɔ wu nwangsɛ suru shi kpang ka bii ɓarɛ, nɛɛ zang soro ɓɔɔ wu màsɛ̀ ri kɔnang ɓɔɔ yiki ri ɓɛɛ. Zang soro kaɓa ɓi rɛɛ Marayamu ɓɔɔ Zang ɓaa nɛɛ Magadaliya, ɓɔɔ Yeesɔ nwangsɛ suru shi kpang manziti nɛɛ bii ɓiɓɛ ɓɛɛ.

Yɔhana 20:12

A zi zang nyaa shonang Laa ɓɔɔ ka lapa ziti, ri hãlɛ fɔ̃ɔrɔ puru. Ri nwalɛ ka nɔng ɓɔɔ zang wɔɔ vɔrɔ Yeesɔ kagn ɓɛɛ. Gbete nwang ka yupaa, a gbete nwang ka doo dii.

Zang Shonang Yeesɔ 20:7

Ka Diki Ɔ̃sɔnang nɛɛ laarang, ruu kpalɛ zɔɔ ruu tɔɔ ruu shaa borodi, a Bulu rang zang ɓɔɔ ri kpalɛ ɓɛɛ yee, ka ruu ɓɔɔ tɔɔ nɔng nɛɛ gãntɛ tɔ, wu daa kaa tɔ ɓɛɛ. Rang ri yee sasak gãmbang zĩi a nɛɛ mani.

1 Koranti 16:2

Ka diki Laadi, zang ɓu wu zɔ̃ng vuu ɓɔɔ ka yeti saka ɓiɓɛ ɓɔɔ Laa a wu ɓɛɛ. Wu shingnɛ ka ruu shonang Laa palɛnang. Nɔɔ palɛ nɔngkɔ sasak tɔ̀ɔ, ka laa ɓɔɔ n naa arɛ n leng nɔɔ, nɔɔ naa kpálɛ̀ saka ɓɔɔ kaa takpang.

Vuu ɓɔɔ zang nwangsɛ Yɔhana 1:10

Ka nɔng kaɓa, ka lee Laadi, Suru Laa a ka bii mɛɛ, a n nwang kaa naa n rɔ̃kɔ katɔ. N tãa yee zang mɛɛ nyaa ka knti mɛɛ nabm naa gboo.