Maraku 16:20 - Nyaa Shɔɔ Ɓɔɔ Laa a Ɓɛɛ

²⁰ A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Maraku 16:20 ပူးပေါင်းရင်းမြစ်များ

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Luka 1:1

N jee mɔɔ nyaa Dabang Tiyofilu. Mɔɔ zi tɔ nɛɛ zang dɔɔli ri bee vuu ɓɔɔ zang palɛ ka teteng ɓuru tɔ,

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 5:12

Rɛɛ zang shonang Yeesɔ, ri palɛ vuu ɓɔɔ zang zirɛ zang mã naa ka danggn dɔɔli ka teteng zang. A zang ɓɔɔ ri shíng danggn tɔ ri kpálɛ́ zɔɔ diki diki ka nɔng gbete, ka nɔng ɓɔɔ zang ɓaa nɛɛ Putali Sulemanu ɓɔɔ ka Gãa Laa ɓɛɛ.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.