Maraku 16:18 - Nyaa Shɔɔ Ɓɔɔ Laa a Ɓɛɛ

¹⁸ Naa ri yi sɔkɔ nɛɛ naa, kɔ ri ɓoo zɔ̃pɔ ɓɔɔ nyɔ zang katɔ, palɛ ri vuu ɓɔɔ kpang. Ri naa shing naa ɓarɛ ka bii zang ɓɔɔ vuu palɛ ri katɔ, bii zang kɔnang, wu ti yaa ri nɔng.”

Maraku 16:18 ပူးပေါင်းရင်းမြစ်များ

Maraku 5:23

a gaa wu tɔɔ, “Jaa mɛɛ zang soro ɓɔɔ tɔkɔlɔng, vuu palɛ katɔ nung vɔrɔ gbete. Arɛ mɔɔ daa ĩi wu naa ɓaaɓɛ jong ka bii, tɔ̀ɔ, bii wu yaa wu nɔng.”

Luka 10:19

Nɔɔ zirɛ n a nɔɔ naa tɔ, nɔɔ ra ka yuu sɔkɔ nɛɛ gbuuri. Nɔɔ ti ɓa zang ɓɔɔ shing jĩng nɛɛ zang kpang yuu katɔ. Vuu ɓɔɔ kpaa nɔɔ naa ka bii kpang.

Zang Shonang Yeesɔ 19:12

Ka ruu nɔngkɔ, zang talɛ sɛ̃ɛ fɔ̃ɔrɔ ɓɔɔ wu àlɛ́ jĩng nɛɛ mani nɛɛ fɔ̃ɔrɔ ɓɔɔ wu hã̀lɛ́ ka bii, zang daa nɛɛ mani ka bii zang ɓɔɔ ri kɔng katɔ ɓɛɛ, a kɔnang ɓarɛ yaa ri bii. Rɛɛ suru shi kpang ri ti nwangnɛ ri yaa zang bii.

Zang Shonang Yeesɔ 3:12

Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?

Zang Shonang Yeesɔ 3:16

Danggn shinnang ka nung Yeesɔ kɔ masɛ yɔɔ kɔ nɔɔ zi nɛɛ jĩng, a nɔɔ ti zì wu nung tɔ ɓee. Ɓi nung Yeesɔ nɛɛ danggn shinnang ka bii ɓiɓɛ kɔ masɛ yɔɔ keɓe dɔ̃ɔ gbete, naa wee nɔɔ zi ɓee.

Zang Shonang Yeesɔ 4:10

n kaaɓi, n kɔɔ nɔɔ nɛɛ zang Isirela piti faarik, nɛɛ yɔɔ kɔ shii ka tĩng manɛ ɓee, zang masɛ wu nɛɛ nung Yeesɔ Kirisi, yɔɔ gari Nazara ɓɔɔ nɔɔ ɓaa wu naa ka laa, a Làa naa wisi wu paa ka sàa ɓɛɛ.

Zang Shonang Yeesɔ 4:22

Yɔɔ ɓɔɔ zang pálɛ̀ vuu ɓɔɔ zang zirɛ zang mã naa ka danggn, ɓɔɔ zang masɛ wu keɓe, sáa ɓiɓɛ ɓá laa ziti katɔ.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 9:34

Bituru kɔɔ wu tɔɔ, “Aniya Yeesɔ Kirisi masɛ mɔɔ tɔ. Yupaa mɔɔ palɛ latãng ɓaaɓɛ waasɛ̃.” A Aniya tantɛ paa yunang.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

1 Koranti 12:9

Suru Laa a zang ɓɔɔ naa, ri shing danggn ka bii kpanti Yeesɔ, wu ti a zang ɓɔɔ naa ri masɛ zang kɔɔnang.