Maraku 16:17 - Nyaa Shɔɔ Ɓɔɔ Laa a Ɓɛɛ

¹⁷ Laa naa a zang ɓɔɔ ri shing danggn ka bii ɓiɓɛ naa vuu palɛnang ɓɔɔ zang zirɛ, zang mã naa ka danggn ditɔ. Ri naa nwangsɛ suru shi kpang nɛɛ nung mɛɛ. Ri ti naa rangkɛ yee nɛɛ nyaa koo ɓɔɔgn.

Maraku 16:17 ပူးပေါင်းရင်းမြစ်များ

Zang Shonang Yeesɔ 5:16

Zang ri alɛ dɔɔli nɛɛ rɛɛ gari ɓɔɔ kiiri Urushalima nyaa ka teteng ɓɛɛ. Ri atɛ zang kɔnang nɛɛ zang ɓɔɔ suru shi kpang ka bii ɓarɛ ɓɛɛ, zang másɛ́ ri nandon.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

1 Koranti 12:10

Zang ɓɔɔ zang a ri naa, ri palɛ vuu ɓɔɔ zang zirɛ zang mã naa ka danggn ɓɛɛ. Zang ɓɔɔ zang a wu ɓi naa, nɛɛ wu kɔɔ vuu ɓɔɔ Laa tusu wu ɓɛɛ. Zang ɓɔɔ zang a ri ɓarɛ naa, ri zi vuu ɓɔɔ a nɛɛ bii Suru Laa, nɛɛ ɓɔɔ a nɛɛ bii Suru Laa kpang ɓɛɛ. Zang ɓɔɔ zang a ri naa, ri rang nyaa ɓɔɔ ri kpɛ̃ɛrɛ katɔ kpang ɓɛɛ. Zang ɓɔɔ zang a ri ɓarɛ naa, ri kɔɔ zang dĩiri nyaa kaɓa.

Zang Shonang Yeesɔ 8:7

Suru shi kpang, ri mɛɛrɛ nyaa ka lapa ka ɓɔɔ ri nwangkɛ nɛɛ bii zang ɓɛɛ. Zang ɓɔɔ ri kàa katɔ, nɛɛ zang ɓɔɔ bii ɓarɛ vɔ katɔ, zang ti masɛ ri jong.

Luka 10:17

Zang ɓɔɔ laa taati tu kopi tu ziti ri gbãayu. Ri kɔɔ Yeesɔ tɔɔ, “Dabang suru shi kpang ri ti ɓáa shoo ka nyaa ɓuru katɔ, ruu nɛɛ kɔɔ ri ruu tɔ ka nung ɓaaɓɛ ɓɛɛ.”

Zang Shonang Yeesɔ 10:46

Ka ruu ɓɔɔ, ri tãayi zang ri rangkɛ yee nɛɛ nyaa ɓɔɔgn, ri dɔɔ Laa, ka ruu bannang ɓiɓɛ ɓɛɛ. A Bituru rang yee tɔɔ,

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Zang Shonang Yeesɔ 19:6

Bulu shĩili ri naa ɓiɓɛ ka yuu, a Suru Laa a kaa bii ɓarɛ. A ri gaayu yee rannang kaa nɛɛ nyaa ɓɔɔgn. Ri kɔɔrɔ zang Ruu Laa.

1 Koranti 14:2

Zang ɓɔɔ Suru Laa a wu naa, a rang yee nɛɛ nyaa ɓɔɔ wu kpɛ̃ɛrɛ katɔ kpang ɓɛɛ, rang yee ɓi nɛɛ Laa, wu nɛɛ shɔnzang kpang. Ka ruu ɓɔɔ, shɔnzang ri tãa ruu ɓɔɔ wu kɔɔ kpàng ɓɛɛ. Kɔɔrɔ ɓi vuu ɓɔɔ Laa wàasɛ̀ zang katɔ, ɓɛɛ nɛɛ naa ɓɔɔ Suru Laa a wu ɓɛɛ.

1 Koranti 12:30

Wu zang piti, ri màsɛ́ zang kɔnang kpang, wu ti zang piti, ri kɔɔ ruu nɛɛ nyaa ɓɔɔ ri kpɛ̃ɛrɛ katɔ kpang ɓɛɛ kpang, wu zang piti nwangsɛ zang dĩiri ruu kaɓa kpang.

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.

Zang Shonang Yeesɔ 16:18

Pálɛ̀ naa weɓe diki diki, a yeti Bulu naa lasɛ, a raa jĩng kɔɔ suru shi kpang tɔɔ, “N dang mɔɔ nyaa nɛɛ nung Yeesɔ Kirisi, nwangnɛ mɔɔ yaa wu bii.” A suru shi kpang tantɛ nwannang.

Maraku 9:38

Yɔhana kɔɔ wu tɔɔ, “Maalang, ruu zi zang ɓɔɔ kagn nwangsɛ suru shi kpang nɛɛ nung ɓaaɓɛ, a ruu zãa wu. Ka ruu ɓɔɔ, wu ɓi nɛɛ ruu kpang ɓɛɛ.”

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.