Maraku 16:16 - Nyaa Shɔɔ Ɓɔɔ Laa a Ɓɛɛ

¹⁶ Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Maraku 16:16 ပူးပေါင်းရင်းမြစ်များ

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Luka 8:12

Jĩng vuu ɓɔɔ shili ka gbalang nwang ɓi kaa naa zang ɓɔɔ ri tãa ruu Kpanti Laa a Sheetang kpanti suru shi kpang, arɛ naa zɔ̃ng Ruu Laa ɓɔɔ ri tãa ɓɛɛ, nɛɛ ka ruu ɓɔɔ ri nɛɛ shing danggn ka bii Laa, ri walɛ suru bii ɓɔɔ waa nyaa kpang ɓɛɛ.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:29

Yeesɔ kasɛ ri nyaa tɔɔ, “Nɔɔ shing danggn ka zang ɓɔɔ wu shong ɓɛɛ. Wee vuu ɓɔɔ Laa kasɛ nɛɛ nɔɔ pálɛ̀ ɓɛɛ kɔ.”

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 8:24

Ka ruu nɔngkɔ, n kɔ̀ɔ́ nɔɔ nɛɛ nɔɔ vɔ nɛɛ vuu shi kpang manɛ ning. Nɔɔ nɛɛ shing danggn nɛɛ nkɔ zang ɓɔɔ n tɔɔ, nkɔ wukɔ kpang, nɔɔ naa vɔ nɛɛ vuu shi kpang manɛ.”

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:39

Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Zang Shonang Yeesɔ 22:16

Mɔɔ gã ɓu kaa vi kãntang viya? Yupaa zang palɛ mɔɔ batizima, zang kɔsɔ mɔɔ vuu shi kpang ɓaaɓɛ, ka ruu ɓɔɔ, mɔɔ ɓàa nung ɓiɓɛ ɓɛɛ.’

Rooma 3:6

Wu nɔngkɔ kpang. Naa Laa palɛ vuu gn dang gbete, palɛ biya wu jɛ̃ɛ zang koo ruu viya?

Rooma 4:24

Zang bee kaa ruu ɓuru jong. Ɓɔɔ Laa naa ta rùu nɛɛ rùu zang tɔ̃ɔ ka tĩng ɓiɓɛ ɓɛɛ. Ɓɔɔ rùu shing danggn ka bii Laa, ɓɔɔ wisi Kpanti ɓuru Yeesɔ paa nɛɛ saa ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

2 Tesalonika 2:12

Laa palɛ nɔngkɔ, tɔ̀ɔ, zang piti ɓɔɔ ri shing danggn ka ruu ɓɔɔ niizang ka yuu Kpanti ɓuru Yeesɔ kpang, ri tãa ɓarɛ tĩnang vuu shi kpang ɓɔɔ ri palɛ ɓɛɛ, tɔ̀ɔ, wu kɔɔ kati nɛɛ ri palɛ vuu shi kpang tɔ.

1 Bituru 1:21

Nɔɔ shing danggn ka bii Laa ka ruu ɓiɓɛ kɔ. Laa ɓɔɔ wisi wu paa nɛɛ sàa, a á wu bannang ɓɛɛ. Ka ruu nɔngkɔ, nɔɔ shing danggn, a nɔɔ ti shing jĩng ka bii Laa.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

Vuu ɓɔɔ zang nwangsɛ Yɔhana 20:15

A zang piti ɓɔɔ zang nɛɛ ĩi nung ɓiɓɛ, zang bee ka yeti labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ, kagn kpang, zang tasɛ wu ka too waa kaɓa kɔ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”