Maraku 16:14 - Nyaa Shɔɔ Ɓɔɔ Laa a Ɓɛɛ

¹⁴ Kaa nɛɛ knti, Yeesɔ naa nwang nyaa ka bii zang kopi tu gbete ɓɔɔ ri mantɛ vuu ka bii ɓiɓɛ, bɛ̀ɛ́ ri shaa doo vuu shaanang. A mangkɛ ri, ka ruu ɓɔɔ, ri shing danggn nɛɛ, wu doo ningkãari kpang ɓɛɛ. Ri ti kasɛ vuu ɓɔɔ zang ɓɔɔ ri zi wu tɔ, ri kɔɔ ri kpang ɓɛɛ.

Maraku 16:14 ပူးပေါင်းရင်းမြစ်များ

Matiyu 11:20

A Yeesɔ gaa tɔɔsung zang gari ɓɔɔ wu palɛ shonang ɓɔɔ zang mã naa ka danggn dɔɔli mangkɛnang kati, ka ruu ɓɔɔ, ri kɔ̃sɔ yeti, ri yaa vuu shi kpang ɓarɛ kpang ɓɛɛ.

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Matiyu 28:17

Ri daa ĩi wu, a ri báng wu. A zang ɓɔɔ ri, zi kpang nɛɛ wukɔ niizang kpang.

Maraku 7:18

Yeesɔ hɛ̃ɛ ri tɔɔ, “Nɔɔ zi kpang kɔ doori ya? Nɔɔ zi kpang nɛɛ vuu piti ɓɔɔ daa ka buru shɔnzang, ràa zang, zang nwang zang shi kpang ka tĩng Laa kpang, kpang ya?

Luka 24:11

Rɛɛ zang ɓɔɔ mantɛ vuu ka bii ɓiɓɛ keɓe, ri ɓaa shoo ɓarɛ ka ruu ɓarɛ kpang, ri kɔɔ ɓarɛ nɛɛ rɛɛ zang soro keɓe, ri shaarɛ ɓarɛ nyaa waati. Ri shing danggn ka ruu bìí kpang.

Luka 24:25

Yeesɔ rang ri yee tɔɔ, “Nɔɔ manɛ zang ɓɔɔ nɔɔ zũng kpang ɓɛɛ, ɓoro manɛ valɛ bii dɔɔli, ka ruu ɓɔɔ, nɔɔ shing danggn ka vuu ɓɔɔ zang nyaa shonang Laa kɔɔ kpang nandon ɓɛɛ.

Yɔhana 20:25

A rɛɛ zang ɓɔɔ ri mantɛ vuu ka bii Yeesɔ nimbang, ri kɔɔ wu nɛɛ, “Ruu zi Kpanti Yeesɔ tɔ.” Kɔɔ ri ɓi nɛɛ, “Naa n zi too koosa ka naa ɓiɓɛ, a n hãa saa naa mɛɛ kagn, a n ti hãa naa mɛɛ ka kagn buru ɓiɓɛ kpang, n shing danggn m kpang.”

Yɔhana 20:26

Diki ɓa tɔ mantaati zang ɓɔɔ ri mantɛ vuu ka bii Yeesɔ ri kaa nyaa zɔɔ, ka yeti gãa. Tooma nɛɛ ri. Ri kulu nyaa gãa katɔ, a Yeesɔ a doo nɛɛ mani, naa shii ka teteng ɓarɛ, a kɔɔ ri tɔɔ, “Yeti manɛ wu lasɛ kpang.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Yɔhana 21:1

Nɛɛ knti, Yeesɔ nwang nyaa ka bii zang ɓɔɔ ri mantɛ vuu ka bii ɓiɓɛ, ɓɔɔ bɛ̀ɛ́ ka nyaa waapo ɓɔɔ zang ɓaa nɛɛ Tiberiya ɓɛɛ. Tusu ri yuu ɓiɓɛ naa weɓe.

Yɔhana 21:14

Ɓu doo ɓɔɔ Yeesɔ yupaa nɛɛ sàa, nwang nyaa tɔ ka bii zang ɓɔɔ ri mantɛ vuu ka bii ɓiɓɛ, daa kaa nɛɛ weɓe doo taati.

Zang Shonang Yeesɔ 1:3

Ka knti vɔrɔ ɓiɓɛ, tusu ri yuu ɓiɓɛ diki laa ziti. Nwang nyaa ka bii ɓarɛ ka diki ka bm bm, naa ɓɔɔ ri làa nyaa takpang nɛɛ wu doo ningkãari kpang ɓɛɛ. Ri zi wu, a ti rang yee nɛɛ ri ka yuu Kpanti roonang Laa.

1 Koranti 15:5

Ɓɔɔ Laa wisi wu paa tɔ, tusu Bituru yuu ɓiɓɛ. A naa tusu zang kopi tu ziti ɓɔɔ ri mantɛ vuu ka bii ɓiɓɛ, yuu ɓiɓɛ jong.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.