Maraku 16:1 - Nyaa Shɔɔ Ɓɔɔ Laa a Ɓɛɛ

¹ Diki Ɔ̃sɔnang naa ɓa tɔ, Marayamu Magadaliya nɛɛ Marayamu nàá Yakubu, a ɓɔɔ Salomi, ri hoo nung ɓɔɔ a sɛ̃ɛ tɔ̃ɔ ɓɛɛ, nɛɛ ri daa tũuru vɔrɔ Yeesɔ ka bii.

Maraku 16:1 ပူးပေါင်းရင်းမြစ်များ

Maraku 14:3

Diki ɓɔɔgn Yeesɔ shaa vuu shaanang kana ka Bɛtani, ka gãa Siman ɓɔɔ bɛ̀ɛ́ vuu bii shaa katɔ ɓɛɛ. A jaa soro ɓɔɔgn a nɛɛ nung tũurunang ɓɔɔ shaa nyaa dɔɔli ɓɔɔ zang palɛ nɛɛ vuu ɓɔɔ zang ɓaa nɛɛ naadi ɓɛɛ, ka zàáng, a puuyi tungku Yeesɔ ka yuu.

Maraku 14:8

Palɛ ɓi vuu ɓɔɔ wu zunung katɔ ɓɛɛ. Tũuru m ɓi kaa nung ɓɔɔ zang nɛɛ naa tũuru vɔrɔ mɛɛ, tɔ̀ɔ, zang gbãa kati kɔ nwani.

Maraku 15:40

Zang soro ɓɔɔ kagn, ri shiiri nɛɛ nɔng beebang, ri pɛ̃ɛrɛ vuu ɓɔɔ zang palɛ Yeesɔ ɓɛɛ. Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub ɓɔɔ wujaa nɛɛ Yose, a ɓɔɔ jaa soro ɓɔɔ zang ɓaa nɛɛ Salomi, ri kagn.

Maraku 15:42

Nɛɛ laarang ka diki kaɓa, ka lee ɓɔɔ zang Yahudi ri kpalɛ bii, ka ruu ɓɔɔ, ɓuru kaa Diki Ɔ̃sɔnang ɓɛɛ.

Maraku 15:47

Marayamu Magadaliya nɛɛ Marayamu nàá Yose, ri zi nɔng ɓɔɔ zang wɔɔ vɔrɔ Yeesɔ kagn ɓɛɛ kati.

Maraku 16:2

Nɔng naa gãntɛ tɔ gbete ka knti Diki Ɔ̃sɔnang bɛ̀ɛ́ laa nwang tɔ, rɛɛ Marayamu ri daa kana yuu sàa.

Maraku 16:8

Vuu keɓe kpãa rɛɛ Marayamu ka yeti dɔɔli, bii ti zaa ri katɔ. A ri nwangkɛ, ri yuku, ri daayi. Ri ãa zang nyaa ka bii gbete kpang, ka ruu ɓɔɔ, ri kaa vɔrɔ ɓɛɛ.

Luka 23:54

Bɛ̀ɛ́ kaa diki ɓɔɔ zang kpalɛ bii ka ruu Diki Ɔ̃sɔnang ɓɛɛ.

Luka 23:56

Ri gbãayu ka gãa, ri daa palɛ nung, ɓɔɔ a sɛ̃ɛ tɔ̃ɔ nɛɛ nung ɓɔɔ zang tũuru vɔrɔ ka bii ɓɛɛ. Ri ɔ̃sɔ ka Diki Ɔ̃sɔnang naa ɓɔɔ nyaa dannang Laa kɔɔ ɓɛɛ.

Luka 24:1

Nɔng naa gãntɛ tɔ gbete, ka knti Diki Ɔ̃sɔnang. Nɛɛ gãndi zãngzãng, rɛɛ zang soro keɓe ri daa ka yuu sàa, ri tuu nung ɓɔɔ ri palɛ ka naa ning.

Yɔhana 19:25

Nàá Yeesɔ nɛɛ jaa nàá Yeesɔ ɓɔɔ soro, nɛɛ Marayamu soro Kilopa, a ɓɔɔ Marayamu Magadaliya ri shiiri ka nɔng ɓɔɔ zang ɓaa Yeesɔ naa naabm.

Yɔhana 19:31

A zang bang bang zang Yahudi ri gaa Bilatu nɛɛ wu yaa ta zang ri kakɛ doo zang ɓɔɔ zang ɓaarɛ ri naa ka laa ɓɛɛ, nɛɛ zang ti witi vɔrɔ ɓarɛ zang daa gbãayi. Ri gaa wu ka ruu ɓɔɔ ɓi kaa diki ɓɔɔ zang kpalɛ bii ka ruu Diki Ɔ̃sɔnang ɓɛɛ. Ri kasɛ kpang nɛɛ, ɓuru Diki Ɔ̃sɔnang wu ĩi ri doo ka lapa kpang. Ka ruu ɓɔɔ diki keɓe ɓi ɓɔɔ bang ɓɛɛ.