Maraku 14:41 - Nyaa Shɔɔ Ɓɔɔ Laa a Ɓɛɛ

⁴¹ Yeesɔ ti naa gbãayu tɔkn daa dakn taati, a hɛ̃ɛ ri tɔɔ, “Nɔɔ rooyi, nɔɔ ɔ̃sɔ manɛ doo naa ya? Daa tɔ kati, laa palɛ tɔ. Zang nyɔ yuu Jaa Shɔnzang tɔ, ka naa zang ɓɔɔ ri palɛ vuu shi kpang ɓɛɛ.

Maraku 14:41 ပူးပေါင်းရင်းမြစ်များ

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Maraku 14:10

A Yahuda Isikariyoti, zang gbete ɓɔɔ ka teteng zang kopi tu ziti ɓɔɔ ri mantɛ vuu ka bii Yeesɔ, daa ka bii zang bang bang zang ɓɔɔ ri dɔɔ vuu ka Gãa Laa, nɛɛ wu nyɔ ri yuu Yeesɔ.

Maraku 14:18

Rí shaa vuu shaanang kana, a Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang gbete ka teteng manɛ naa nyɔ yuu mɛɛ ditɔ. Zang ɓɔɔ shaa vuu shaanang kana nɛɛ n ɓɛɛ.”

Maraku 14:35

Daa tɔ ka tĩng tɔkɔlɔng, a zuu kaa nɛɛ buru ka tipi, a gaa Laa nɛɛ, gbalang nɛ̀ɛ́ kagn, làá jĩng dannang keɓe nɛɛ a yuu ɓiɓɛ kpang.

Maraku 14:40

A ti arɛ naa ĩi ri, ri rooro tɔ tɔkn, ka ruu ɓɔɔ, hingro kpiti ri jĩng tɔ dɔɔli ɓɛɛ. Ri zi vuu ɓɔɔ ri kɔɔ wu takpang.

Maraku 14:42

Nɔɔ seepaa ta ruu daayi. Zang ɓɔɔ nyɔ yuu mɛɛ a naabm tɔ.”

Maraku 7:9

A ti kɔɔ ri tɔkn tɔɔ, “Nɔɔ zunung ɓɔɔ nɔɔ ɓa nyaa ɓɔɔ Laa dangnɛ, nɔɔ dũng ɓɔɔ daa manɛ dang ɓɛɛ dɔɔli.

Maraku 9:31

Ka ruu ɓɔɔ, tusu zang ɓɔɔ ri mantɛ vuu ka bii ɓiɓɛ vuu ɓɛɛ. A kɔɔ ri tɔɔ, “Zang naa tuu Jaa Shɔnzang ditɔ, zang a zang. Ri naa nyɔ wu vɔrɔ. Zang nɛɛ nyɔ wu vɔrɔ tɔ, Laa naa wisi wu paa ka lee ɓɔɔ diki daa taati ɓɛɛ.”

Yɔhana 12:23

Yeesɔ kasɛ ri nyaa tɔɔ, “Diki ɓɔɔ zang a Jaa Shɔnzang bannang kagn a tɔ.

Yɔhana 12:27

A Yeesɔ kɔɔyi tɔɔ, “Jĩng dannang keɓe kpãa m tɔ yeti dɔɔli. N kɔɔ ɓu kaa nɛɛ viya? N kɔ̀ɔ nɛɛ, ‘Daa mɛɛ mɔ́ɔ yaa diki keɓe wu a ka yuu mɛɛ kpang ya?’ Kpang, n a ka ruu jĩng dannang ɓɔɔ diki keɓe kɔ.

Yɔhana 17:1

Yeesɔ hangsɛ nyaa ruu keɓe tɔ, a tuu jĩng ka lapa, a gàa Laa tɔɔ, “Daa, laa a tɔ. Zang ri zi bannang mɛɛ ta, ɓɔɔ n Jaa ɓaaɓɛ, tɔɔ zang ri zi bannang ɓaaɓɛ kaa bii mɛɛ.

Yɔhana 7:30

Ka ruu nɔngkɔ, ri kãa gbalang nɛɛ ri yi wu katɔ, a zang ɓɔɔ lee wu naa kaa tɔ̀ɔ́ bii kpang. Ka ruu ɓɔɔ laa ɓiɓɛ yaa doogn ɓɛɛ.

Yɔhana 8:20

Kɔɔ ruu keɓe, bɛ̀ɛ́ tusu zang vuu ka yeti Gãa Laa, naabm nɛɛ nɔng ɓɔɔ zang tɛ̃ɛ saka ɓɔɔ zang á Laa ɓɛɛ. A zang ɓɔɔ yi wu kaa takpang, ka ruu ɓɔɔ, laa ɓiɓɛ à gn kpang ɓɛɛ.

Zang Shonang Yeesɔ 7:52

Zang nyaa shonang Laa kagn gbete ɓɔɔ rɛɛ dáa manɛ dang wu jĩng kpang ya? Zang ɓɔɔ ri kɔɔ ruu anang zang tɔ̃ɔ keɓe ka tĩng, rɛɛ daa manɛ ti nyɔ̀kɔ̀ ri vɔrɔ. Wee nɔɔ ti nyɔ yuu ɓiɓɛ tɔ, zang nyɔ wu vɔrɔ tɔ.