Maraku 14:20 - Nyaa Shɔɔ Ɓɔɔ Laa a Ɓɛɛ

²⁰ A kasɛ ri nyaa tɔɔ, “Zang gbete ka teteng manɛ kɔ. Zang ɓɔɔ hãa naa kana yeti gbanti gbete nɛɛ n ɓɛɛ.

Maraku 14:20 ပူးပေါင်းရင်းမြစ်များ

Yɔhana 13:26

Yeesɔ kasɛ wu nyaa tɔɔ, “Zang ɓɔɔ n hãa borodi keɓe ka yɔkɔ, n a wu, zang bìí kɔ naa mãlɛ́ yuu mɛɛ.” A sha borodi tɔkɔlɔng hãa ka yɔkɔ a, a Yahuda, jaa Siman Isikariyoti.

Yɔhana 6:71

Rang ruu keɓe ɓi ka yuu Yahuda, jaa Siman Isikariyoti. Yahuda ka teteng zang kopi tu ziti ɓɔɔ ri mantɛ vuu ka bii Yeesɔ ɓɛɛ, wukɔ ti naa nyɔ yuu Yeesɔ.

Luka 22:47

Ɓɔɔ bɛ̀ɛ́ rang yee doo ka nyaa, zang dɔɔli nwang nyaa. Zang gbete ka teteng rɛɛ zang kopi tu ziti, ɓɔɔ ri mantɛ vuu ka bii ɓiɓɛ, ɓɔɔ zang ɓaa wu nɛɛ Yahuda ɓɛɛ, wukɔ sɔɔ ri tĩng. A ka bii Yeesɔ naabm nɛɛ wu kɔ̃ng wu katɔ.

Maraku 14:43

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii Yeesɔ a kati. Yahuda nɛɛ zang ɓɔɔ rɛɛ zang bang, bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, nɛɛ zang bang, bang zang Yahudi ri shong ɓɛɛ. Ri see yee bang nɛɛ labasaa ka naa ning.

Matiyu 26:47

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii ɓiɓɛ a kati. Yahuda a nɛɛ zang dɔɔli ɓɔɔ rɛɛ zang bang bang zang ɓɔɔ ri dɔ́ɔ vuu ka Gãa Laa, nɛɛ zang bang bang zang Yahudi ri shong ɓɛɛ ning. Zang kaɓa, ri see yere bang, nɛɛ labasaa ka naa ning.

Matiyu 26:23

A kasɛ ri nyaa tɔɔ, “Shɔnzang ɓɔɔ hãa naa nɛɛ n ka gbanti, wukɔ naa nyɔ yuu mɛɛ.

Maraku 14:19

Ɓɔɔ ri tãa naa weɓe, yeti ɓarɛ lasɛ dɔɔli. Zang ɓu gaa tɔɔsung Yeesɔ hɛ̃ɛlɛnang kati nɛɛ, “Nkɔ ya?”

Maraku 14:21

Jaa Shɔnzang naa vɔ katɔ naa ɓɔɔ labeenang Kpanti Laa kɔɔ ɓɛɛ. Jĩng dannang kagn yuu zang ɓɔɔ naa nyɔ yuu Jaa Shɔnzang ɓɛɛ. Zang nɛ̀ɛ́ yi zang kaɓa kpang kɔ gbã̀ágbãa, wukɔ nɛɛ daa wu.”